TIMERNA 3
Amek i glaq aţ-ţesɣarayeḍ Adlis Iqedsen?
Atmaten ẓẓullen aṭas yerna meyyzen mliḥ ɣef wayen i glaqen ad yili di tektabt Aţ-ţɛiceḍ i dayem! Bac aţ-ţessexdmeḍ akken ilaq taktabt-agi m’ara tesɣarayeḍ albeɛḍ, tbeɛ lewṣayat yellan ukessar-a.
Uqbel aţ-ţseɣreḍ
-
1. Heggi iman-ik akken ilaq. Xemmem ɣef wayen i geḥwaǧ a t-yissin win i tesɣarayeḍ, ɣef liḥala-ines akk-d wamek i geţxemmim. Nadi aţ-ţeẓreḍ d acu i gzemren ahat a s-yiwɛiṛ a t-yefhem neɣ a s-yiwɛiṛ a t-iṭebbeq. Ẓer d acu i gzemren a t-yenfeɛ deg weḥric yeţţusemman “Tzemreḍ aţ-ţwaliḍ daɣen”, iwakken a t-tessexdmeḍ ma iwulem.
M’ara tesɣarayeḍ
-
2. Bdu taɣuri s tẓallit tekfuḍ-ţ daɣen s tẓallit (ḥaca ma yugi win i tesɣarayeḍ).
-
3. Ur heddeṛ ara aṭas. Hdeṛ kan ɣef ixemmimen yellan di tmeɣri, teǧǧeḍ win i tesɣarayeḍ a d-yini d acu i geţxemmim.
-
4. Taktabt-agi tesɛa ṛebɛa yeḥricen imeqranen. Mkul m’ara tebdum yiwen seg-sen, ɣer-ed asentel-ines. Umbeɛd, ɛiwen win i tesɣarayeḍ ad yerr ddehn-is ɣer kra n isentalen yellan deg weḥric-agi.
-
5. Ɣer taggara n yal aḥric, ssexdem asebter n wesmekti bac aţ-ţwaliḍ s anda i gessaweḍ di tmusni win i tesɣarayeḍ.
-
6. M’ara tessenqdeḍ yid-es yal timeɣri:
-
Ɣer-ed neɣ ḍleb-as a d-iɣer tiseddaṛin.
-
Ɣer-ed neɣ ḍleb-as a d-iɣer ifyar iɣef i d-yura umeslay “ɣer-ed” neɣ “ɣret-ed”.
-
Ma iwulem, ɣer-ed neɣ ḍleb-as a d-iɣer ifyar nniḍen i d-yeţţunefken.
-
Walit bidyuwat meṛṛa yellan deg weḥric yeţţusemman “A nnadi a nefhem akteṛ” (ma tesɛam ayen swayes ara tent-twalim).
-
Hedṛet ɣef yal asteqsi i d-yeţţunefken.
-
Ḍleb-as ad imuqel ţţewṣifat yellan deg weḥric “A nnadi a nefhem akteṛ”, tiniḍ-as a d-yehdeṛ fell-asent.
-
Ssexdem akken ilaq aḥric yeţţusemman “Lmeqsud-iw”. Akka, win i tesselmadeḍ ad iwali ma yeţqeddim ɣer zdat neɣ ala. Weṣṣi-t ad yessiweḍ ɣer lmeqsud-nni amezwaru, neɣ ɣer lmeqsud nniḍen, neɣ i sin.
-
Ḍleb-as a k-d-yini anta tazmamt neɣ anta bidyu, yellan deg weḥric yeţţusemman “Tzemreḍ aţ-ţwaliḍ daɣen”, i s-iɛeǧben mi gessewǧed taɣuri-ines.
-
Ma yella wamek, mkul m’ara teɣreḍ yid-es, ssenqdet yiwet n tmeɣri.
-
M’ara tekfuḍ taɣuri
-
7. Kemmel ţxemmim ɣef win i tesselmadeḍ. Ḍleb-as i Yahwa ad ibarek lmeǧhudat-is. Ḍleb-as daɣen lekyasa bac aţ-ţeẓreḍ amek i tzemreḍ a t-tɛiwneḍ.