Ебгъэджэн ипэ

1. 1. ФІыуэ зыгъэхьэзыр. Ебгъаджэр зыхуэныкъуэм, и Іуэху зыІутым икІи и фІэщ хъум егупсыс. Языныкъуэ гупсысэхэр абы къыгурыІуэну е къигъэсэбэпыну къегугъуэкІынкІэ хъунущи, зыщыбгъэхьэзыркІэ абыхэм гу лъытэ. «Нэхъыбэ къащІэ» рамкэм къыщыхьа материалыр ебгъаджэм сэбэп зэрыхуэхъунум егупсыс. Хуей хъумэ, фыщеджэкІэ ар къэбгъэсэбэпыну хьэзыру щыт.

Щебгъаджэм деж

1. 2. Ебгъаджэр арэзыуэ щытмэ, Библиер вджын ипэ икІи фыуха нэужь Алыхьым фелъэІу.

2. 3. КуэдыІуэ зэрыжумыІэным хуэсакъ. Урокым къыщыхьа материалым узэрытемыкІыным хущІэкъу икІи ебгъаджэм хуиту и еплъыкІэр жиІэну Іэмал ет.

3. 4. РазделыщІэ щыщІэвдзэм деж абы кІэщІэтха псалъэухам къеджэ икІи разделым хыхьэ языныкъуэ урокхэм я цІэхэм гу лъытэ. Абы и фІыгъэкІэ разделыр ебгъаджэм сыткІэ дэІэпыкъунуми къэпщІэнущ.

4.  5. Разделыр фыуха иужь къызэрапщытэж упщІэхэр зэгъусэу зэпкърыфх. Ар ебгъаджэм къыдэІэпыкъунущ фызэджар и гум ириубыдэну.

5. 6. Еджэгъуэ къэс:

   1. 1) «Нэхъ куууэ хэплъэ» Іыхьэм нэс урокым ит абзацхэм фыкъеджэ.

   2. 2) «Къеджэ» жыхуиІэ Библием ит едзыгъуэхэр зыри блэвмыгъэкІ.

   3. 3) Хуей хъумэ, абзацым къыщыхьа нэгъуэщІ едзыгъуэхэми фыкъеджэ.

   4. 4) Іэмал щыІэмэ, урокым хэт видеохэм псоми феплъ.

   5. 5) Урокым хэт упщІэхэр псори ебгъаджэм и гъусэу зэпкърых.

   6. 6) «Нэхъ куууэ хэплъэ» Іыхьэм къыщыхьа сурэтхэм гу лъыфтэ икІи абыхэм фытепсэлъыхь.

   7. 7) «ПщІэ хъунур» жыхуиІэ рамкэр къэгъэсэбэп Алыхьым гъунэгъу хуэзыщІын лъэбакъуэхэр ебгъаджэм ичрэ имычрэ къыбгурыІуэн щхьэкІэ. Абы къыщыхьам нэмыщІ, нэгъуэщІ мурадхэри игъэувыну ар хуэбгъэуш хъунущ.

   8. 8) Урокым зыщыхуигъэхьэзырым «Нэхъыбэ къащІэ» рамкэм ит статьяхэмрэ видеохэмрэ хэплъэну ебгъаджэм Іэмал иІамэ, абыхэм щыщу нэхъ игу ирихьар къащІэ.

   9. 9) Зэ еджэгъуэм зы урок зэрывджыным хущІэкъу.

Ебгъэджа иужь

1. 7. Ебгъаджэм адэкІи егупсыс. Иеговэ елъэІу абы къару ирихьэлІэм фІыгъуэ къыпигъэкІуэну икІи ебгъаджэм удэІэпыкъуфын щхьэкІэ Іущагъ къыуитыну.