Naq toj maajiʼ natiklaak li xtzolbʼal

1. 1. Kawresi aawibʼ chiʼus. Kʼoxla li naʼajmank chiru laatzolom, li yook xkʼulbʼal ut li naxpaabʼ. Ma wank junaq li naʼlebʼ li nachʼaʼajkoʼk chiru xyuʼaminkil malaj xtawbʼal ru? Tzʼil rix ebʼ li naʼlebʼ ut ebʼ li bʼideo li wank saʼ li kaaxukuut «Sikʼ xkomon li naʼlebʼ» ut kʼoxla chanru truuq aʼin xtenqʼankil laatzolom. Ut naq yooqat xkʼebʼal xtzolbʼal yoʼon wanqat re roksinkil ebʼ li naʼlebʼ aʼin, wi naʼajmank.

Naq yooq chi kʼemank xtzolbʼal

1. 2. Wi laatzolom naraj, teebʼaanu jun li tij saʼ xtiklajik ut saʼ xraqik.

2. 3. Weent taabʼaanu ut moko kʼi ta taaye. Kʼe aachʼool chi xchʼolobʼankil li naʼlebʼ ut kanabʼ naq laatzolom tixye li naxkʼoxla.

3. 4. Naq ok aawe xtikibʼankil jun li akʼ tasal, taayaabʼasi li xnimal ru naʼlebʼ ut taayaabʼasi wiibʼ oxibʼ xjolomil ebʼ li tzolom.

4. 5. Naq tixchoy jun li tzolom, taabʼaanu ebʼ li patzʼom bʼarwiʼ naxye «Qajultikaq» re naq laatzolom tixjultika li kixtzol.

5.  6. Naq ak xaatzʼil rix li tzolom rikʼin li qas qiitzʼin li yookat xtzolbʼal:

   1. Teeyaabʼasi saʼ kabʼichal ebʼ li raqal re li xbʼeen tasal.

   2. Teeyaabʼasi chixjunil ebʼ li xraqal li Santil Hu bʼarwiʼ naxye «Cheeyaabʼasi».

   3. Teeyaabʼasi jalan chik ebʼ li xraqal li Santil Hu li wank saʼ li tzolom, wi naʼajmank.

   4. Taakʼe chixjunil ebʼ li bʼideo bʼarwiʼ naxye «Cheerilaq» (wi tatruuq xbʼaanunkil).

   5. Taabʼaanu chixjunil ebʼ li patzʼom li wank saʼ li tzolom.

   6. Teetzʼil rix ebʼ li jalam u li wank saʼ li tasal «Qasikʼaq xchamal li naʼlebʼ».

   7. Oksi li kaaxukuut «Bʼaanu aʼin» re naq laatzolom tixkʼe reetal naq yook chi kʼiik saʼ li xpaabʼal. Ye re laatzolom naq tixbʼaanu li naʼlebʼ li ttenqʼanq re saʼ li xpaabʼal aʼ yaal ma li wank saʼ li kaaxukuut malaj jalan chik li naʼlebʼ.

   8. Naq xkawresi ribʼ re tzolok, patzʼ re laatzolom ma xwulak chiru junaq li naʼlebʼ malaj li bʼideo li wank saʼ li kaaxukuut «Sikʼ xkomon li naʼlebʼ».

   9. Rajlal naq taakʼe xtzolbʼal, yal xchoybʼal jun li tzolom.

Naq ak xraqeʼk li xtzolbʼal

1. 7. Junelik taakʼe aachʼool chirix laatzolom. Tzʼaama re li Jehobʼa naq tixtenqʼa re naq tkʼiiq saʼ li xpaabʼal ut naq tixkʼe aawe li naʼlebʼ li naʼajmank chaawu re xtenqʼankil.