Mbere ya wĩruti

1. 1. Haarĩria wega biũ. Ũkĩhaarĩria, wĩcirie mabataro ma mũrutwo, maũndũ marĩa aragerera, na maũndũ marĩa etĩkĩtie. Geria gwĩcirĩria maũndũ marĩa angĩbatara gũteithio kũnyita wega kana kũmenya ũrĩa ekũmahũthĩra. Wĩcirie ũrĩa ũhoro ũrĩa ũrĩ gĩcunjĩ-inĩ kĩa “Rikĩra” ũngĩteithia mũrutwo waku, na ũkorũo wĩhaarĩirie gũkĩhũthĩra hĩndĩ ya wĩruti kũringana na mabataro ma mũrutwo.

Hĩndĩ ya wĩruti

1. 2. Hingũra na ũhinge na mahoya, o tiga mũrutwo aregire.

2. 3. Wĩtheme kwaria mũno. Ndũkaume nja ya ũhoro ũrĩa ũrĩ ithomo-inĩ rĩrĩa mũrathoma, na ũreke mũrutwo eyarie.

3. 4. Rĩrĩa mũrambĩrĩria gĩcunjĩ kĩna kĩa ibuku, thoma kohoro karĩa karonania muoroto wa gĩcunjĩ kĩu na ũgwete ciongo cia mathomo mamwe gĩcunjĩ-inĩ kĩu.

4. 5. Mwarĩkia gĩcunjĩ kĩna, hũthĩra ciũria cia gũcokera gĩcunjĩ kĩu gũteithia mũrutwo waku kũririkana ma cia Bibilia iria erutĩte.

5. 6. Rĩrĩa mũreruta o ithomo na mũrutwo waku:

   1. Thomai ibungo cia gĩcunjĩ kĩa mbere ithomo-inĩ rĩu.

   2. Thomai maandĩko mothe marĩa mandĩkĩtwo “Thomai” kana “Thoma.”

   3. Thomai maandĩko mangĩ marĩa monanĩtio kũringana na mabataro ma mũrutwo.

   4. Onia mũrutwo video ciothe iria ciandĩkĩtwo “Mwĩrorerei” (angĩkorũo ũrĩ nacio).

   5. Ũria mũrutwo ciũria ciothe.

   6. Gĩcunjĩ-inĩ kĩa “Thuthuria Makĩria,” ĩra mũrutwo arore mbica na ũmũũrie ataarĩrie ũhoro wacio.

   7. Hũthĩra gathandũkũ ka “Geria gwĩka ũũ” gũteithia mũrutwo waku kũrora ũrĩa arakũra kĩĩroho. No wĩkĩre mũrutwo ngoro agerie gwĩka ũndũ ũrĩa wonanĩtio ibuku-inĩ, eigĩre muoroto ũngĩ, kana eke maũndũ macio merĩ.

   8. Ũria mũrutwo kana nĩ harĩ gĩcunjĩ kana video gacunjĩ-inĩ ka “Rikĩra” arakeneire akĩhaarĩria ithomo rĩu.

   9. Hingo ciothe mũgĩthoma geriai kũrĩkia ithomo rĩmwe.

Thutha wa wĩruti

1. 7. Thiĩ na mbere gwĩciria ũhoro wa mũrutwo waku. Hoya Jehova ateithie mũrutwo waku gũkũra kĩĩroho na akũhe ũũgĩ nĩguo ũhote kũmũteithia.