ب قوسىمشاسى
«ماڭگى باقي ٶمىردىڭ راقاتىن كورىڭىز!» كىتابىمەن زەرتتەۋدى قالاي وتكىزۋىم كەرەك؟
باۋىرلاستار «ماڭگى باقي ٶمىردىڭ راقاتىن كورىڭىز!» كىتابىن كوپ دۇعا ەتىپ جانە مۇقيات ىزدەنىس جاساي وتىرىپ شىعاردى. بۇل كىتاپتىڭ بارىنشا پايداسىن كورۋ ٷشىن، كيەلى كىتاپ زەرتتەۋ ساباعىن وتكىزگەندە تومەندەگى تاسىلدەردى قولدانىڭىز:
زەرتتەۋدى وتكىزبەس بۇرىن
-
1. تياناقتى دايىندالىڭىز. دايىندىق بارىسىندا زەرتتەۋشىڭىزدىڭ قاجەتتىلىگىن، جاعدايىن، كوزقاراسىن ەسكەرىڭىز. وعان قانداي مالىمەتتى ٴتۇسىنۋ نە قابىلداۋ قيىن بولۋى مۇمكىن، سول جايىندا ويلانىپ كورىڭىز. «قوسىمشا ىزدەنىڭىز» بولىگىندەگى مالىمەتتەردىڭ زەرتتەۋشىگە تيگىزەتىن پايداسى جايلى ويلانىپ، ساباق كەزىندە قاجەت بولسا، سول مالىمەتتەردى قولدانىڭىز.
زەرتتەۋ بارىسىندا
-
2. زەرتتەۋشى قارسى بولماسا، زەرتتەۋدى دۇعامەن باستاپ، دۇعامەن اياقتاڭىز.
-
3. كوپ سويلەۋدەن اۋلاق بولىڭىز. زەرتتەۋ قۇرالىنداعى مالىمەتتەن اۋىتقىپ كەتپەڭىز جانە زەرتتەۋشىگە ويىن ايتۋعا مۇمكىندىك بەرىڭىز.
-
4. جاڭا ٴبولىمدى باستاعاندا ٴبولىمنىڭ باسىنداعى ويباعداردى وقىڭىز جانە كەيبىر ساباقتاردىڭ تاقىرىپتارىنا نازار اۋدارىپ كەتىڭىز.
-
5. ٴبىر ٴبولىمدى اياقتاعان سوڭ، زەرتتەۋشىڭىز بىلگەندەرىن ەستە ساقتاۋ ٷشىن، ٴبولىمدى قايتالاۋعا ارنالعان بولىكتى قاراستىرىڭىز.
-
6. ٵر ساباقتى زەرتتەگەندە:
-
ا. ابزاستى وقىڭىزدار.
-
ٵ. «وقىڭىز» دەلىنگەن بارلىق تارماقتى وقىڭىزدار.
-
ب. قاجەت بولسا، باسقا تارماقتاردى دا وقىڭىزدار.
-
ۆ. قولجەتىمدى بولسا، «بەينەروليكتى كورىڭىز» دەگەن ۆيدەولاردى كورىڭىزدەر.
-
گ. ٵر سۇراقتى تالقىلاڭىزدار.
-
ع. «تەرەڭىرەك ٷڭىلىڭىز» دەگەن بولىكتەگى سۋرەتتەرگە نازار اۋدارىپ، سوعان قاتىستى زەرتتەۋشىنىڭ ويىن سۇراڭىز.
-
د. «ماقسات» دەگەن قورشاۋدى قولدانىپ، زەرتتەۋشىگە رۋحاني ٶسىمىن قاداعالاپ جۇرۋگە كومەكتەسىڭىز. ونى جازىلىپ تۇرعان ماقساتقا جەتۋگە نە باسقا ماقسات قويۋعا، يا بولماسا ەكەۋىن دە ورىنداۋعا تالپىندىرىڭىز.
-
ە. ساباققا دايىندالعاندا زەرتتەۋشىگە «قوسىمشا ىزدەنىڭىز» بولىگىندەگى قانداي ماقالا نە ۆيدەو ۇناعانىن سۇراڭىز.
-
ج. ٴبىر وتكەندە ساباقتى تۇگەل وتۋگە تىرىسىڭىز.
-
زەرتتەۋدەن كەيىن
-
7. زەرتتەۋشىڭىز جايلى ويلاپ ٴجۇرىڭىز. ەحوباعا دۇعا ەتىپ، «زەرتتەۋشىمە رۋحاني وسۋگە كومەكتەسشى، وعان كومەكتەسۋگە ماعان دا دانالىق بەرشى» دەپ سۇراڭىز.
