Misissuilin­nginnissinni

1. 1. Piareersarluartarit. Ilinniar­titavit pisariaqartitai, atugai upperisaalu eqqarsaatigisakkit. Eqqarsaatigiuk suut paasiuminaatsis­sinnaal­lugillu maleruaruminaatsis­sinnaagai. Paasissutissat “Nammineq misissugassatit”-miittut suut iluaqutigisin­naassanerai eqqarsaatigikkit, pisariaqaraangallu misissuinissinni atortakkit.

Misissuinissinni

1. 2. Ilinniar­titavit akuerippagu qinunermik aallarniil­lutillu naggasiisarit.

2. 3. Oqaluppal­laarnaveersaarit. Atuakkami paasissutissat atukkit, aamma ilinniartitat oqalunnissaanik kajumis­saartaruk.

3. 4. Kapitalip aallartin­nginnerani “Sammisaq pingaarneq” atuaruk ilinniagas­sanullu qulequttat ilaat eqqartorlugit.

4. 5. Kapitali naammas­sigussiuk ilinniar­titavit ilikkakkani eqqaamanias­sammagit qupperneq kapitalimik uteqqiin­nertalik sammisiuk.

5.  6. Ilinniar­titallu misissueqatigiin­nissinni:

   1. Ilinniagassami immikkoortut siulliit atuarsigit.

   2. Allassimaffiit atuaqquneqartut atuarsigit.

   3. Pisariaqaraangat allassimaffiit innersuus­sutigineqartut ilaat atuarsin­naavasi.

   4. Videut takoqquneqartut tamaasa takusigit (periarfis­saqarussi).

   5. Apeqqutit tamaasa ilinniar­titannut apeqqutigikkit.

   6. Ilinniartitat “Itisiliineq”-mi assit pillugit isumasioruk.

   7. Ungalusaq “Iliuuserisassatit” atorlugu ilinniartitat anersaakkut siumukar­nissaanut ikioruk. Anguniagassaq siunnersuutigineqartoq imaluunniit alla, tamaasaluunniit, anguniaq­qullugit kajumis­saarsinnaavat.

   8. Ilinniartitat aperiuk “Nammineq misissugassatit”-mi videut allaaserisal­luunniit ilaat piareersar­nermini iluaqutigisimanerai.

   9. Sapinngisamik ilinniagassaq naallugu sammissavarsi.

Misissuereeraangassi

1. 7. Ilinniartitat eqqarsaatigisaruk. Ilinniartitaq siumukar­nissaanut ikioqqullugu illillu pitsaanerpaamik qanoq ikiuisin­naanissannik paasinneq­qullutit Jehova qinnuigisaruk.