សេចក្ដីពន្យល់បន្ថែម ផ្នែកគ
របៀបបង្រៀនគម្ពីរដោយប្រើសៀវភៅសប្បាយនឹងជីវិតដែលគ្មានទីបញ្ចប់!
បងប្អូនបានអធិដ្ឋានយ៉ាងច្រើន និងបានគិតយ៉ាងដិតដល់អំពីព័ត៌មានដែលត្រូវបញ្ចូលទៅក្នុងសៀវភៅសប្បាយនឹងជីវិតដែលគ្មានទីបញ្ចប់! ហេតុនេះ ពេលអ្នកបង្រៀនគម្ពីរដល់សិស្ស សូមប្រើព័ត៌មានក្នុងសៀវភៅនោះឲ្យបានគ្រប់ជ្រុងជ្រោយ។ ដើម្បីធ្វើដូច្នេះ សូមធ្វើតាមចំណុចដូចតទៅ៖
មុនបង្រៀន
-
១. សូមរៀបចំឲ្យបានល្អ។ កាលដែលអ្នកកំពុងរៀបចំ សូមគិតអំពីសេចក្ដីត្រូវការ ស្ថានភាព និងជំនឿរបស់សិស្ស។ ខំគិតទុកជាមុនអំពីចំណុចណាដែលសិស្សប្រហែលជាពិបាកយល់ ឬពិបាកធ្វើតាម។ សូមគិតថា តើព័ត៌មាននៅក្នុងផ្នែក«ស្វែងយល់ថែមទៀត»អាចជួយសិស្សយ៉ាងណា? បន្ទាប់មក សូមរៀបចំព័ត៌មាននោះជាស្រេច ដើម្បីអាចប្រើតាមតម្រូវការក្នុងពេលបង្រៀនសិស្ស។
ពេលបង្រៀន
-
២. បើសិស្សយល់ព្រម សូមចាប់ផ្ដើមនិងបញ្ចប់ការសិក្សាដោយអធិដ្ឋាន។
-
៣. សូមប្រយ័ត្ន កុំនិយាយច្រើនពេក។ ចូរផ្ដោតទៅលើព័ត៌មានក្នុងមេរៀន ហើយទុកឲ្យសិស្សប្រាប់អំពីទស្សនៈនិងអារម្មណ៍របស់គាត់។
-
៤. ពេលចាប់ផ្ដើមចូលផ្នែកថ្មី សូមអានគោលចំណុចដែលមានក្នុងផ្នែកនោះ ហើយប្រាប់ត្រួសៗអំពីចំណងជើងមេរៀនខ្លះក្នុងផ្នែកនោះ។
-
៥. ពេលចប់ផ្នែកណាមួយ សូមពិនិត្យមើលផ្នែករៀនសាឡើងវិញ ដើម្បីជួយសិស្សឲ្យចងចាំសេចក្ដីពិតដែលគាត់បានរៀន។
-
៦. ពេលបង្រៀនមេរៀននីមួយៗដល់សិស្ស៖
-
ក. អានវគ្គ។
-
ខ. អានបទគម្ពីរទាំងអស់ដែលមានពាក្យថា«សូមអាន»។
-
គ. អានបទគម្ពីរឯទៀតក្នុងវគ្គនោះ បើចាំបាច់។
-
ឃ. មើលវីដេអូទាំងអស់ដែលមានពាក្យថា«លេងវីដេអូ» (បើមានជាភាសារបស់អ្នក)។
-
ង. សួរសិស្សគ្រប់សំណួរដែលមាននៅក្នុងសៀវភៅនោះ។
-
ច. ឲ្យសិស្សមើលរូបភាពដែលមាននៅក្នុងផ្នែក«បង្កើនចំណេះ»។ រួចមក សូមឲ្យគាត់ពន្យល់អំពីរូបភាពនោះ។
-
ឆ. ដើម្បីជួយសិស្សឲ្យពិនិត្យមើលការរីកចម្រើនរបស់គាត់ នោះសូមលើកទឹកចិត្តគាត់ឲ្យប្រើប្រអប់«គោលដៅ»ដែលមានស្រាប់ ឬឲ្យគាត់សរសេរគោលដៅផ្សេងទៀតក្នុងប្រអប់នោះ ឬអាចធ្វើទាំងពីរ។
-
ជ. សួរសិស្សថា ពេលដែលគាត់រៀបចំមេរៀនទុកជាមុន តើគាត់ចូលចិត្តអត្ថបទឬវីដេអូមួយណាជាងគេនៅក្នុងផ្នែក«ស្វែងយល់ថែមទៀត»?
-
ឈ. ពេលបង្រៀនសិស្សម្ដងៗ សូមព្យាយាមបង្រៀនឲ្យបានចប់មួយមេរៀន។
-
ក្រោយបង្រៀន
-
៧. បន្តគិតអំពីសិស្សរបស់អ្នក។ អធិដ្ឋានសុំព្រះយេហូវ៉ាឲ្យពរដល់ការខំព្យាយាមរីកចម្រើនរបស់សិស្ស ហើយសុំលោកផ្ដល់ប្រាជ្ញាឲ្យអ្នកដើម្បីដឹងអំពីរបៀបជួយគាត់។