Kuuhal kwa kulong

1. 1. Iilongolol bilengel menmen. Hawuloolong nook, langil habikaakaam mulony iibuh a Bibl, ha shikacil udyey nend, ni ha mushind udyey utal myand. Teet bwa kulangil ha myand yidy mwa kwiikal yimukasakeen yikaakaamey dyambulwiish bwa kwiiyumvw ni bwa kwiiyikooyel. Tal mudy myand yidy ha cituh cya neey “Myand yikwaabw ya kumanyik” yidy mwa kwambulwiish mulony iibuh, ni iikal mwiilongolol bwa kukal naay mudimw, uw mutal neey i bikumban, diib dinuloolong.

Hanuloolong

1. 2. Tangaay ni manaay ni diisambil, iikaleby neey mulony iibuh i mukat.

2. 3. Wamanyik, kuleeboh bend bivul. Iimanyin teng ha myand yidyobw batwaal ha cyaab cinwendend ni kulong nend, ni long bwa mulony iibuh iikal uleeb byend.

3. 4. Hanutwaatwaadij cituh citam cidyobw baleej, bal may madyobw baleej bwa cituh aacy ni leejok biin bwaal bikeeh bidy mu cituh aacy.

4. 5. Hanumaaman cituh kaahand citam, nukontonon myand yidy ha cituh cya neey kwambulul kwa cituh bwa kwambulwiish mulony iibuh bwa kuvulukey malongweesh madyey mulong.

5.  6. Hanuloolongg dilong dyoos ni mulony iibuh:

   1. Balaay bikos.

   2. Balaay verseh yoos yidyobw bafund neey “Balaay.”

   3. Balaay verseh yikwaabw yidyobw bateel nun batal neey i bikumban.

   4. Talaay film yoos yidyobw bafund neey “Talaay” (nun biikal naay).

   5. Ihanguj mulony diijooj dyoos.

   6. Iikal wambil mulony iibuh bwa kutaley bifwaaftul bidy ha cyaab cya neey “Tweel mu bondok,” ni ihanguj mulony bwa kumvwiijey mudyey mwiibyumvw.

   7. Kal mudimw ni kazubw ka neey: “Kiihacil kaam” bwa kwambulwiish mulony iibuh bwa kutaley mudyey mwa kuy kuuhal mu myand ya mu spirit. Udy mwa kumukashish bwa kukaley mudimw ni mushind a kwiifundil kiihacil udyobw baleej bu cileejel, bwa kwiifundiley biihacil bikwaabw, eecy bibidy.

   8. Ihangujok mulony bwa kumanyik ning waakady mukatok cyumw cya ku biin bwaal eecy film udyobw baleej ha cituh cya neey: “Myand yikwaabw ya kumanyik” diib dyaakadyey wiilongolol.

   9. Iikashishomw bwa kuman dilongweesh dyoos didy mu cituh kaahand.

Hanumaaman kulong

1. 7. Tungunuk ni kulang bwa mulony iibuh. Sambil bwa Yehow abenesh mushind udy mulony iibuh uy kuuhal ni bwa akwaakish meej bwiibuh kumanyik muwudy mwa kumwambulwiish.