Bifo di stɔdi

1. 1. Pripia gud gud wan. As yu de du dat, tink bɔt wetin yu studɛnt nid, wetin de apin to am, ɛn di tin dɛn we i biliv. Tray fɔ tink bɔt patikyula tin we i go nid yu fɔ ɛp am fɔ ɔndastand gud gud wan ɔ fɔ aplay. Tink bɔt aw wetin de na di say we se “Du Mɔ Risach” go ɛp yu studɛnt, ɛn rɛdi fɔ yuz am di rayt we fɔ ɛp yu studɛnt we una de stɔdi.

We una de stɔdi

1. 2. Bigin ɛn ɛnd wit prea, pas if di studɛnt se i nɔ want dat.

2. 3. Tek tɛm lɛ yu nɔ tɔk tumɔs. Pe atɛnshɔn to di tɔpik we una fɔ tɔk bɔt, ɛn alaw di studɛnt fɔ tɔk.

3. 4. We yu de stat men sɛkshɔn, rid wetin dɛn rayt bɔt da sɛkshɔn de ɛn tɔk bɔt sɔm pan di lɛsin dɛn taytul dɛn.

4. 5. We yu dɔn ɛni men sɛkshɔn, yuz di sɛkshɔn rivyu fɔ ɛp yu studɛnt fɔ mɛmba di tru tin dɛn we i dɔn lan.

5.  6. As yu de stɔdi ɛni lɛsin wit yu studɛnt:

   1. Rid di pɔynt dɛn.

   2. Rid ɔl di skripchɔ dɛn we dɛn rayt “Rid” nia.

   3. Rid ɔda skripchɔ dɛn we dɛn nɔ kot, if yu tink se una fɔ rid dɛn.

   4. Ple ɔl di vidio dɛn we dɛn rayt “Ple” pan (if yu gɛt am).

   5. Aks di studɛnt ɔl di kwɛstyɔn dɛn.

   6. Ɛp di studɛnt fɔ pe atɛnshɔn to di pikchɔ we de na di “Lan Mɔ” sɛkshɔn, ɛn aks di studɛnt fɔ tɔk bɔt am.

   7. Yuz di bɔks we dɛn rayt “Gol” fɔ ɛp yu studɛnt fɔ si aw i de go bifo. Yu kin ɛnkɔrej am fɔ yuz di sampul gol, fɔ sɛt ɔda gol dɛn, ɔ i kin sɛt ɔl tu.

   8. Aks yu studɛnt if i ɛnjɔy ɛniwan pan di atikul ɔ vidio dɛn we de na di “Du Mɔ Risach” sɛkshɔn we i bin de pripia di lɛsin.

   9. Tray fɔ dɔn wan lɛsin ɛnitɛm we una de stɔdi.

Afta di stɔdi

1. 7. Kɔntinyu fɔ tink bɔt yu studɛnt. Pre to Jiova fɔ ɛp yu studɛnt fɔ go bifo ɛn aks am fɔ gi yu sɛns so dat yu go no aw fɔ ɛp yu studɛnt.