Tuupa mi la kandu pɛɛkoo

1. 1. Bɛɛndiaŋ fɛlɛŋ nyɛkɛndɛi. Te a wa pɛ bɛɛndiaŋndo, yiyaŋ a wana num pɛɛkaa, bahawɛila ndɔlaŋ, a nyɛ o laalaŋ ndo okɔɔ. Yiyaŋ a sɔɔŋ mala ndu niŋ le nyɛ ŋ cho ndu pɛɛkoo wo biyɔɔ bila, vɛlɛ a le ndu dɔwɔɔ o wali niŋndoŋ. Yiyaŋ a mɛɛ ŋ soliŋ fondɛi hei “Chɔɔlu Sɔɔŋ Pum Tofa” kpeku le wana num pɛɛkaa malaa yɛ. Nduyɛ te o bɛnda pɛ, wa o bɛɛndiaŋ le fondɛi hei soliŋndo kpeku te la wa pɛ pɛɛkoo.

Te la wa pɛ pɛɛkoo

1. 2. Kandu, nduyɛ ma kinda a piɛileŋ, mɛɛ dɔɔ mi wana num pɛɛkaa dimi maa o yeema le.

2. 3. Suaa tau le. Pɛɛku ndu nyɛ cho o yauwo choo wo, nduyɛ ma chum ndu mbo soo nyɛ cho ndu o kɔllo.

3. 4. Te la kandu pɛ buŋgɛi sɛnɛiye, chɔm ndu nyɛ nya cho pɛɛku o buŋgɛi keŋ niŋ ndo, nduyɛ ma chɔm ndu sɔɔŋ lebolloŋ ŋpum.

4. 5. Te la wa pɛ buŋgɛi chiiyo, soliŋ nyunala miiŋgaa choo laŋ kpeku le ndu malaa mbo loonuŋ tonyala o pɛɛku laŋ.

5.  6. Te la wa pɛ suɛi lebolii kɛ kɛ pɛɛkoo:

   1. Veelu diomndaŋ o pɛltaŋ niŋ.

   2. Veelu diomndaŋ o bolii Baabui nda dimi aa “Nuawɔ” ve niŋ.

   3. Veelu diomndaŋ o bolii Baabui cheleŋ niŋ te o bɛnda pɛ.

   4. Ba o ba ŋ che pɛ aa “Handu Vidueiyo,” chɔm ndu viduei koŋ (te o wa num pɛ o ba).

   5. Nyuna ndu nyuuniaalaŋ kpou.

   6. Te la fuuluu pɛ o “Chɔɔlu Yaasiaa,” dimul wana num pɛɛkaa mbo soo a fotueila cho loŋ ndaŋ okɔɔ.

   7. Soliŋ fondɛi hei “Kpeleŋ ŋ nɔ ma kɛsi wo” kpeku le wana num pɛɛkaa malaa mbo tosa hiouwɔɔ lachioo. Dimul ndu le mbo soliŋ kpeleŋ o cho chɔɔ loŋ ndo kpeku le kpeleŋnda ndɔlaŋ kɛsioo.

   8. Nyuna ndu mbo chɔm num viduei, ɔɔ yau o kaala tau o “Chɔɔlu Sɔɔŋ Pum Tofa” wo bɛŋgu teleŋ o wa bɛɛndiaŋndo le pɛɛkoo wo.

   9. Kindiŋ mi la chii suɛi lebolii kɛ kɛ o pɛɛkoo lepilɛ bɛŋgu.

Te la chii pɛ pɛɛkoo

1. 7. Hiou lachi a yiyaŋndo a wana num pɛɛkaa okɔɔ. Piɛi le mi Chɛhowa mala wana num pɛɛkaa mbo tosa hiouwɔɔ lachioo, nduyɛ mbo ke num taasioo le ma mala ndu.