NKUDIKA C
Aweyi Olenda Longokela yo Muntu o Nkanda Zinga ye Kiese Yakwele Mvu!
Ampangi basamba kwayingi yo fimpa kana nkia mambu mafwene siwa muna nkanda Zinga ye Kiese Yakwele Mvu! Muna toma vua e nluta muna nkanda wau e kolo ofilanga e longi dia Bibila, sadila e ndekwa zilende.
Vitila nualongoka
-
1. Toma kubama. Muna wo vanga, yindula mana o nlongoki kavuidi o mfunu, mambu ma zingu kiandi ye mana kekwikilanga. Yindula mambu malenda kala mampasi kwa yandi mu bakula yo sadila. Vava zaya una e mambu mena vana ntu a diambu wakete, “Tala mpe Oma Malende,” malenda sadisila o nlongoki aku. Kala wakubama muna mo sadila avo divuilu o mfunu e kolo ofilanga e longi.
Ekolo nulongokanga
-
2. Avo nlongoki aku otondele, nuyantikila yo fokolwela muna sambu.
-
3. Kuvovinge kwayingi ko. Sianga e sungididi muna mambu mena muna nkanda yo yambula vo nlongoki kasonga e ngindu zandi.
-
4. Avo nuyantikidi kunku kiampa, tanga e nlonga miyikanga e diambu diasina ye miaka ntu mia mambu mia malongi.
-
5. Vava nufokola e kunku, sadila e kunku kia lufimpu mu sadisa nlongoki aku kasungamena mana kalongokele.
-
6. Vava ofilanga e longi:
-
Tanga e tini.
-
Tanga e sono yawonso ya Bibila yasonama vo “Tanga.”
-
Tanga e sono yankaka ina muna tini avo divuilu o mfunu.
-
Tala e Video zawonso zasonama vo “Tala e video” (avo una zau).
-
Vanga e yuvu ina muna longi.
-
Tunta e sungididi kia nlongoki muna fwaniswa ina muna ntu a diambu “Zaya Diaka Mankaka,” i bosi, lomba kwa nlongoki kayika dina kabakwidi muna fwaniswa.
-
Sadila e babu “Kani,” mu sadisa o nlongoki aku kazaya una kena nungunukina muna mwanda. Olenda kunkasakesa kalungisa e kani diantete dina muna babu, kasikidisa makani mankaka yovo mau mamole.
-
Yuvula kwa nlongoki aku kana vo vena ye longi yovo video kayangalele muna kunku “Tala Mpe Oma Malende” vava kakubikidinge e longi.
-
Konso ntangwa nulongoka, teza vanga mawonso nualongokanga longi dimosi.
-
Avo nufokwele longoka
-
7. Kwamanananga yindula o nlongoki aku. Lombanga kwa Yave kasambula o lunungunuku lwandi yo kuvana e ngangu mu zaya una olenda kunsadisila.