ພາກຜະໜວກ ຄ
ວິທີສອນຄຳພີໄບເບິນໂດຍໃຊ້ປຶ້ມຊີວິດທີ່ມີຄວາມສຸກຕະຫຼອດໄປ!
ພີ່ນ້ອງໄດ້ອະທິດຖານຫຼາຍແທ້ໆແລະຄິດຢ່າງຈິງຈັງວ່າຄວນມີຂໍ້ມູນໃດແດ່ໃນປຶ້ມຊີວິດທີ່ມີຄວາມສຸກຕະຫຼອດໄປ! ເພື່ອຈະໃຊ້ປະໂຫຍດເຕັມທີຈາກປຶ້ມນີ້ ໃຫ້ໃຊ້ວິທີຕໍ່ໄປນີ້ເມື່ອສອນຄຳພີໄບເບິນ.
ກ່ອນສອນ
-
1. ກຽມຢ່າງລະອຽດ. ຕອນທີ່ເຈົ້າກຽມ ໃຫ້ຄິດເຖິງຄວາມຈຳເປັນ ສະພາບການ ແລະຄວາມເຊື່ອຂອງຄົນທີ່ເຈົ້າສອນ. ຄິດເຖິງຈຸດທີ່ລາວອາດເຂົ້າໃຈຫຼືເອົາໄປໃຊ້ໄດ້ຍາກ. ຄິດເບິ່ງວ່າເລື່ອງໃດໃນສ່ວນ “ເບິ່ງເພີ່ມເຕີມ” ທີ່ອາດຊ່ວຍຄົນທີ່ເຈົ້າສອນໄດ້ ແລະໃຫ້ເອົາເລື່ອງນັ້ນມາໃຊ້ຕອນທີ່ສອນ.
ຕອນທີ່ສອນ
-
2. ອະທິດຖານກ່ອນແລະຫຼັງຮຽນ ຖ້າຄົນທີ່ເຈົ້າສອນເຫັນດີນຳ.
-
3. ຢ່າເວົ້າຫຼາຍເກີນໄປ. ຈົດຈໍ່ກັບເນື້ອໃນຂອງປຶ້ມ ແລະປ່ອຍໃຫ້ຄົນທີ່ເຈົ້າສອນເວົ້າຄວາມຄິດຄວາມຮູ້ສຶກອອກມາ.
-
4. ເມື່ອເລີ່ມຕອນໃໝ່ຂອງປຶ້ມ ໃຫ້ອ່ານຈຸດສຳຄັນຂອງຕອນນັ້ນແລະເວົ້າເຖິງຊື່ບົດຮຽນຈັກສອງສາມບົດ.
-
5. ເມື່ອຈົບແຕ່ລະຕອນ ໃຫ້ໃຊ້ສ່ວນຄຳຖາມທົບທວນເພື່ອຊ່ວຍຄົນທີ່ເຈົ້າສອນໃຫ້ຈື່ຄວາມຈິງທີ່ລາວໄດ້ຮຽນ.
-
6. ຕອນທີ່ເຈົ້າສອນແຕ່ລະບົດ:
-
ກ. ອ່ານເນື້ອໃນ
-
ຂ. ອ່ານຂໍ້ຄຳພີທັງໝົດທີ່ບອກໃຫ້ “ອ່ານ.”
-
ຄ. ອ່ານຂໍ້ຄຳພີອື່ນໆນຳຖ້າຈຳເປັນ.
-
ງ. ເປີດວິດີໂອທັງໝົດທີ່ບອກໃຫ້ “ເປີດ” (ຖ້າເປັນໄປໄດ້).
-
ຈ. ໃຫ້ຖາມຄຳຖາມທຸກຂໍ້.
-
ສ. ຂໍໃຫ້ຄົນທີ່ເຈົ້າສອນເບິ່ງຮູບໃນສ່ວນ “ຮຽນຮູ້ຫຼາຍຂຶ້ນ” ແລະຂໍໃຫ້ລາວສະແດງຄວາມຄິດເຫັນ.
-
ຊ. ໃຊ້ຂອບ “ສິ່ງທີ່ເຈົ້າເຮັດໄດ້” ເພື່ອຊ່ວຍຄົນທີ່ເຈົ້າສອນຕິດຕາມຄວາມກ້າວໜ້າຂອງລາວ. ເຈົ້າອາດກະຕຸ້ນລາວໃຫ້ຕັ້ງເປົ້າໝາຍດຽວກັນກັບຂອບນັ້ນ ຕັ້ງເປົ້າໝາຍອື່ນໆຫຼືເຮັດທັງສອງຢ່າງ.
-
ຍ. ຖາມຄົນທີ່ເຈົ້າສອນວ່າລາວມັກບົດຄວາມຫຼືວິດີໂອໃດເປັນພິເສດບໍໃນສ່ວນ “ເບິ່ງເພີ່ມເຕີມ” ເມື່ອລາວກຽມໂຕຮຽນ.
-
ດ. ພະຍາຍາມຮຽນໃຫ້ຈົບບົດໃນເທື່ອດຽວ.
-
ຫຼັງຈາກສອນ
-
7. ຄິດກ່ຽວກັບຄົນທີ່ເຈົ້າສອນ. ອະທິດຖານຂໍພະເຢໂຫວາຊ່ວຍລາວໃຫ້ກ້າວໜ້າແລະຊ່ວຍເຈົ້າໃຫ້ມີສະຕິປັນຍາເພື່ອຈະຮູ້ວ່າຈະຊ່ວຍລາວໄດ້ແນວໃດ.
