KI-DAA-WODO SAVA KELEI
Velei Da Gala Kɔlɔi Lɛɛ La Ga Numaa Kɔlɔi Nii Zu “Yii-Ma Ɣɛ Wɔlɔ-Wɔlɔ Ta Wɔlɔ-Wɔlɔ!”
Tɔ vɛɛ kɔlɔi nii wonɛ su, Yii-Ma Ɣɛ Wɔlɔ-Wɔlɔ Ta Wɔlɔ-Wɔlɔ te Gala felini ga tamaa na ɣa ɣɛɛna te kɔlɔ lamaa lodo. Ga è zoo yiɛ numaa ɣalabo ga pagɔ kɔlɔi nii zu, ɣaa-ɓaa e niitiɛ ɣɛ.
Ɔ̀ vɛɛ kɔlɔi nii lɛɛzu ga nu
-
1. Maa woli ɓɔɔ ga pagɔ. Ya ɣɛna maa wolizu, yiɛ ɣi-gaa-ziɛ niitiɛ ma ma ɓɛdɛ nui nii ma e kalabosu, niitiɛ e levesu su, e vɛɛ kigii zu ʋaitiɛ va. Yiɛ ɣi-gaa-ziɛ niitiɛ ma manui ɣa wõi ɓɔɔ ga e kwɛ̃ɛ ɔɔ e ziɛ la na ŋeteai zu. Niitiɛ te “Wɛlɛ Faa Lamaa Va” wɛlɛ velei va ta ɓɔ la nui nii va e kalabosu, na ɣa ɣɛɛna dɛ ga manui ya ɣɛna kalabogi wosu.
Ya ɣɛna kalabogi wosu
-
2. Tɔɔ-zei ga Gala-feliai na ɣa ɣɛɛna e daa wulo ga Gala-feliai. Kɛni ani nui e kalabosu ɛ lɛ ɣɛ ʋaani bu.
-
3. Mɛlɛ yɛpɛ ga ʋike. Ɣaazu ɓado niitiɛ va te kɔlɔi zu, e ɓe manui va ga e yɛpɛ.
-
4. Ani wa ɣɛna ma zɛvɛi ta lɔɔ-zeizu, maɓigii lodo e ma zɛvɛi na zu na ɣa ɣɛɛna e yɛpɛ e vile zɛpɛ wũgi taniga va.
-
5. Ani wa ɣɛna ma zɛvɛi ta laa wulozu, niitiɛ wo maa wolia ma zɛvɛi na zu, a lɛ te ma wulu nii ya kɛ manui ɣigii yɛ maɓigii zu e maa wolia.
-
6. Ya ɣɛna manui ɣalabosu:
-
A palegaitiɛ lodo.
-
A Gala goi niitiɛ lodo te ponɛi na ga “Dodo.”
-
A Gala goi zɔitiɛ te ta lodo ɓalaa ani solowogɛ.
-
Ʋiliogi niitiɛ lɛ ga ponɛi na ga “Ʋiliogi lɛ ga” (ani ta ɣa e ya).
-
Gaa-zaɣa-kɛɛtiɛ wo ga nui e kalabosu.
-
Bo manui ma e wɛlɛ footeitiɛ va te “Wɛlɛ Faa Lamaa Va” na ɣa ɣɛɛna e bo manui ma e yɛpɛ e vile te va.
-
Kologi nii ponɛi na ga “Ɣaa-Ɓaa E Nii Ɣɛ” ɓɔ manui va ga e kwɛ̃ɛ vɛtiɛ e ɣaa ɓaazu na. Ɓɔ manui va ga e nii ɣɛ ya ɣɛ “ɣaa-ɓaa e nii ɣɛ” wologi zu ɔɔ niitiɛ yá ponɛ ga e kɛ.
-
Manui ɣaa-zaɣa-kɛ ani e wɛlɛvɛ kɔlɔ zɛvɛi ta ɔɔ ʋiliogi ta va vɛ ponɛi na ga “Wɛlɛ Faa Lamaa Va” ga e zii zoga naa zu e ɣɛni kɔlɔi maa wolizu.
-
Ɣaa-ɓaa wo kalabogitiɛ ɓɔgapɛ maa woli te ma zɛvɛitiɛ zu.
-
Ani wa wolona kalabogi ma
-
7. Yiɛ ɣii-gaa-ziɛ manui ma. Jehova ʋeli ga e tuuyiɛ loo faa vagɔitiɛ ma manui kɛɛzu feli ʋai zu, na ɣa ɣɛɛna e kele-ɣele fe e ya ga e ɓɔ manui va.