Musika kalisa kale kuzamaisa tuto

1. 1. Muitukiseze hande. Hamunze mueza cwalo, munahanisise zatokwa muituti wamina, miinelo yahae, ni litaba zalumela. Munahanisise litaba zakona kutokwa kutusiwa kuli autwisise kamba kuli asebelise mwa bupilo bwahae. Munyakisise mo litaba ze mwa kalulo ya “Mubone Litaba Zeñwi” likona kutuseza muituti wamina, mi muitusise zona mwa tuto yamina haiba kutokwahala.

Ka nako ya tuto

1. 2. Mukale ka tapelo ni kukwala ka tapelo, konji haiba muituti ahana.

2. 3. Mutokomele kuli hamubuleli hahulu. Muise mamelelo kwa litaba ze mwa hatiso yemuituta, mi mufe kolo muituti kuli abulele mwaikutwela.

3. 4. Hamukalisa kalulo yenca ya buka, mubale mubamba obonisa mulelo wa kalulo yeo mi mukoñomeke litoho za taba za lituto lisikai zefumaneha kwa kalulo yeo.

4. 5. Hamufeza kuituta kalulo yeñwi ya buka, muitusise kalulo ya mulundulule kuli mutuse muituti wamina kuhupula litaba zaitutile.

5. 6. Hamunze muituta tuto ni tuto ni muituti wamina:

   1. Mubale maparagilafu.

   2. Mubale mañolo añozwi kuli “Mubale.”

   3. Mubale mañolo amañwi haiba kwatokwahala kueza cwalo.

   4. Mubuhise mavidio kaufela añozwi kuli “Mubuhe Vidio” (haiba kwakonahala kueza cwalo).

   5. Mubuze muituti lipuzo kaufela.

   6. Mukupe muituti wamina kubona maswaniso afumaneha mwa kalulo yeli, “Mubatisise,” mi mumukupe kuatalusa.

   7. Muitusise kalulo yeli, “Za Kueza” kuli mutuse muituti wamina kulemuha zwelopili yasweli kueza. Mumususueze kuitomela sikonkwani sesibonisizwe mwa kalulo ya za kueza, kuitomela likonkwani zeñwi, kamba kueza kaufela zepeli.

   8. Mukupe muituti wamina kuli amitaluseze haiba kunani taba kamba vidio yaikozi hahulu yefumaneha mwa kalulo yeli, “Mubone Litaba Zeñwi” hanaanzaa itukiseza.

   9. Mulike kufeza tuto ni tuto mwa lizazi lililiñwi.

Hamulaho wa tuto

1. 7. Muzwelepili kunahana za muituti wamina. Mukupe Jehova kuli afuyaule zwelopili yasweli kueza muituti wamina ni kumifa butali bwa kuziba mwaku mutuseza.