Kumeso kwa kukefunda

1. 1. Witeakanye senene. Powiteakanya, langulukila pa bisakibwa bya owifunda nandi, ngikadilo yadi’mo, ne bintu byakulupile. Tompa kumona bintu byabwanya kukolelwa bininge kwivwanija nansha kwingidija. Bandaula myanda idi mu kakipindi “Kimba” umone moibwaninya kumukwasha, kadi witeakanye kwingidija’yo pobilomba kulonga namino kitatyi kyomwifunda.

Pomwifunda

1. 2. Shi omwifunda nandi witabije, shilulai ne kufudija kifundwa na milombelo.

2. 3. Kokinena bivule. Imanina pa myanda idi mu kifundwa, kadi leka mwifundi esambe.

3. 4. Shi mubashilula kipindi kipya kya dibuku, tanga musemwa ulombola pemanine kipindi’kya ne kutela’ko mitwe ya myanda kampanda ya bifundwa.

4. 5. Shi mubavuya kipindi kampanda kya dibuku, ingidija kipindi kya kupituluka mwanda wa kukwasha owifunda nandi avuluke bubine bwaefundile.

5. 6. Pomwifunda kifundwa ne kifundwa na omwifunda nandi:

   1. Tangai misango.

   2. Tangai bisonekwa byonso bilembelwe amba “Tangai.”

   3. Tangai ne bisonekwa bikwabo bidi’mo shi bilomba kwibitanga.

   4. Tadija mavideo onso alembelwe amba “Talai” (shi udi nao).

   5. Ipangula omwifunda nandi kipangujo ne kipangujo.

   6. Kokela milangwe pa kifwatulo kidi mu kakipindi “Languluka Bininge,” ne kunena omwifunda nandi ashintulule’kyo.

   7. Ingidija kapango “Witungile Kitungo” mwanda wa kukwasha omwifunda nandi amba alondelele kwendelela kwandi kwa ku mushipiditu. Ubwanya kumukankamika engidije kitungo kiletelwe’mo, etungile kitungo kikwabo, nansha byonso bibidi.

   8. Ipangula omwifunda nandi shi kudi kishinte kampanda nansha video ya mu kakipindi “Kimba” yaasangedile bininge paadi uteakanya.

   9. Longai bukomo bwa kuvuya kifundwa musunsa umo.

Shi mubapu kwifunda

1. 7. Endelela kulangulukila padi omwifunda nandi. Lomba Yehova amwesele endelele ne kukupa tunangu tukakukwasha uyuke mwa kumukwashisha.