Mbere ya bũthooma na mũritwa

1. 1. Thuranĩra bwega. Rĩrĩa ũkũthithia ũu, thũgaanĩria mobatu ja mũritwa waaku, mantũ jarĩa agũkũrũkĩĩra, na jarĩa etĩkĩtie. Thũgaanĩria mantũ jarĩa joomba kwĩthĩrwa jarĩ jamoomũ kĩrĩwe gũciũkĩrwa nĩjo na kũjatumĩra. Ona ũrĩa gĩcuncĩ gĩa “Cũnkũũna” kĩumba gũtetheeria mũritwa waaku, na ũgĩtumĩre rĩrĩa gĩkũbatarĩka rĩrĩa bũkũthooma na mũritwa.

Rĩrĩa bũkũthooma na mũritwa

1. 2. Ambĩĩria na ũthirie na maromba kethĩra mũritwa waaku nagwĩtĩkanĩĩria na ũntũ bũu.

2. 3. Menya waria mono. Inyĩĩria mantũ jarĩa jarĩ iukune rĩu, na wee mũritwa kaanya ga kuuga jarĩa jarĩ nkorone.

3. 4. Rĩrĩa bwambĩĩria gĩcuncĩ gĩkĩerũ, thomera mũritwa “ũntũ bwa kũthithia” gĩcuncĩne kĩu na ũmugwetere biongo biikai bia ithoomo bimwe birĩa birĩ gĩcuncĩne kĩu.

4. 5. Bwathiria o gĩcuncĩ, tumĩra biũria bia gũcookera biria birĩ mũthiene jwa gĩcuncĩ kĩu gũtetheeria mũritwa kũriikana mantũ jarĩa airitanĩte.

5. 6. Rĩrĩa bũkwiritana o kĩthoomo na mũritwa:

   1. Thoomeni mantũ jarĩa jaandĩki kĩthoomone kĩu.

   2. Thoomeni maandĩko jonthe jarĩa jaandĩki “Thooma.”

   3. Thoomeni maandĩko jau jangĩ rĩrĩa gũkũbatarĩka.

   4. Tegeni vidio cionthe irĩa ciĩri “Tega Vidio” (kethĩra bũrĩ nacio).

   5. Ũũria mũritwa biũria bionthe.

   6. Ũũria mũritwa atege mbica irĩa irĩ gĩcuncĩne “Ĩnja Nkũrũki,” na atarĩĩrie mantũ jarĩa jarĩ mbicene iu.

   7. Tumĩra kathandũkũ “Mworoto” gũtetheeria mũritwa waaku wa Bibiria kũmenya ũrĩa agwĩta na mbere. No ũmwĩkĩre inya atumĩre mworoto jũrĩa jwonanĩtue, kana aciĩkĩre mĩoroto ĩngĩ.

   8. Ũria mũritwa waaku wa Bibiria kethĩra naragwĩrĩrue mantũ ja kũthooma kana vidio irĩa irĩ kĩrĩ gĩcuncĩ “Cũnkũũna” rĩrĩa arathuranagĩra kĩthoomo kĩu.

   9. Rĩrĩa rĩonthe bũkũthooma, gerieni kũthiria kĩthoomo kĩmwe.

Nyuma ya kũthooma na mũritwa

1. 7. Ĩta na mbere kũthũgaanĩria mũritwa waaku. Romba Jehova amũtethie rĩrĩa akũthithia wĩti na mbere, na akwee ũũme bwa kũmũtethia.