Emu stadi o heḡaeḡaelaiamu neganai

1. 1. Ba heḡaeḡae namonamo. Stiuden iduruna dalana, ena mauri bona e abi daemu hahediba herevadia ba lalohadailaidia. Stiuden ese basine lalopararalaimu kahadia eiava e hekwarahimu baine badina kahadia danu ba lalo. Ina kaha, “Heduru Ḡaudia Ma Haida” ese emu stiuden baine durua dalana danu ba itaia, bona stadi neganai ba ḡaukaralaia diba.

Stadi dinana ai

1. 2. Bema emu stiuden enai namo neganai, stadi na ḡuriḡuri ai ba kehoa bona ba koua.

2. 3. Basio hereva momo. O stadilaiamu kahana mo ba herevalaia, bona emu stiuden na nega ba henia ena lalohadai baine gwauraia.

3. 4. Buka ena kaha ta o hamatamaiamu neganai, poin badana ba duahia bona lesen haida sinadodia ba herevalai.

4. 5. Kaha ta o haoreamu murinai, riviu kahana na emu stiuden ida ba herevalaia, unu amo e dibadia hereva momokanidia baine lalodiatao.

5.  6. Stiuden ida lesen ta o stadilaiamu neganai:

   1. Paragraf ba duahia.

   2. Siri badidiai ina hereva “Ba duahia” o itaiamu neganai, siridia na ba duahidia.

   3. E hetore siridia haida danu ba duahi bema o laloamu una ese stiuden be duruamu.

   4. Vidio iboudiai ba itadia (bema mai emu vidio).

   5. E tore henanadai ta ta na stiuden ida ba herevalaidia.

   6. “Poin Ma Haida” kahana ai, stiuden ba noia laulau baine itaia bona baine herevalaia.

   7. “Plen” mauana ba ḡaukaralaia unu amo emu stiuden baine diba ena tahua ḡaudia be e haḡuḡurumu eiava lasi. Ba durua e hetore plen baine badinaia eiava baine haḡuḡuru ḡaudia haida na sibona ese baine toredia.

   8. Emu stiuden ese lesen ta e heḡaeḡaelaia lalonai, “Heduru Ḡaudia Ma Haida” kahanai, ia ese e moalelaia atikol eiava vidio baine herevalaia.

   9. Stadi negadia ai, ba hekwarahi lesen ta ibounai ba haḡuḡurua.

Stadi murinai

1. 7. Emu stiuden na dounu ba laloa. Iehova ba noia emu stiuden ena hekwarahi baine hanamoa bona aonega baine henimu emu stiuden iduruna daladia ba lalo.