Nhinancera usomiha Ibiiblya

1. 1. Mwiitthenkace saana. Ukati wowiitthenkaca, mmuupuwele ntthu nonsomiheenyu Ibiiblya ni muupuwele mananna uyova cinweheraawe mwahooyo. Muupuwele khalayiiru citthuni atthunaka cinhala unrika wiiweeha awula weettela. Mmananihe woona mphantte uneera: “Mwapheelaka Ucuwela Citthu Cikiina” wiira munkavihere ntthu nonsomiheenyu Ibiiblya. Mwiitthenkace wiira nkhitiri uvarela nteko uyo mphanttyooyo ukati unhaleenyu unsomiha Ibiiblya.

Ukati unsomiheenyu Ibiiblya

1. 2. Ntthu nonsomiheenyu Ibiiblya atthunakavale, nlompe nhinapacera unsomiha Ibiiblya ni mwamalihaka unsomiha.

2. 3. Nhuulume cinene. Muulume paahi mwaha unonsomiheehu ni munhiye ntthuuyo utaphuwa wiira oolume itthu inoopuwelaawe.

3. 4. Iyo ilivurwiiyo irina miphantte. Nhinaaya ukela khula mphantte, nsome nipuro nineera “Itthu inhaleehu woopela mwaha” ni nhimye muru wo khula mpantta.

4. 5. Mwamalihaka khula mphantte, moopele mwaha nipuro nineera “Wuupuwela” wiira munkavihere ntthu nonsomiheenyu Ibiiblya wuupuwela citthu ciitthucilyaawe nhina uyo mphanttyooyo.

5. 6. Ukati unhaleenyu unsomiha ntthu khula mpantta:

   1. Mpacere usoma khula iparaagarafu nhinakela mphantte uneera “Muncerere Wiitthuca Winyu.”

   2. Nsome iveerusu co mbiiblyani cotheene cantikhiye “Nsome.”

   3. Mwapheelaka, pooti usoma iveerusu cikiinannyo ciicammo.

   4. Moonihe ividiyu cotheene ciri mapuro yantikhiye “Moone ividiyu” (wakhalaka wiira nhaana nnyo ividiyunnyo).

   5. Munlepele ntthuuyo waakhula makoho otheene.

   6. Mmoonihere ilatarato nipuro nantikhiye “Muncerere Wiitthuca Winyu” ni munlepele wiira ataphulele itthu inthoonyeraaya iyo ilataratweeyo.

   7. Nvarele nteko ikwaaturu ineera “Itthu Yoohala Upanka “ wiira munkavihere ntthu nonsomiheenyu Ibiiblya ucuwela mananna cinoonuwaawe mminepani. Nyuuva pooti unkurumica upanka itthu yantikhiye nno nipuronno, uyo pooti ulakela upanka itthu ikhwaawe awula pooti upanka coopiili: itthu yantikhiyeeyo ni itthu inhalaawe ulakeleeyo.

   8. Munkohe ntthu nonsomiheenyu Ibiiblya wakhala wiira ukati weetthenkacaawe, hophwanya mwaha awula ividiyu incivenle nipuro nanthikye “Mwapheelaka Ucuwela Citthu Cikiina.”

   9. Mmananihe woopela mwaha mpantta wotheene khula ikwaha nnonsomiheenyu ntthu Ibiiblya.

Mwamalihaka usomiha

1. 7. Nhihiye umuupuwela ntthu nonsomiheenyu Ibiiblya. Nlompe wiira Yehova acaalihe wiikurumica wawe. Munlepele Yehova ucuwelaca wiira nkhitiri unkavihera ntthu nonsomiheenyu Ibiiblya.