Stadika yabras kainara

1. 1. Pain ridi taks. Stadi tatakrikam nitka, trabilka, bara diaura kasak luki ba ra luks. ¿Witin ba smalkanka kum kum tânka briras sa, apia kaka alki daukaia karna munisa ki? “Kau pliki kaiks” pîska ra taki ulbi sakanka bara lilkika nani laki kaiks, bara stadi tatakrikam ra nahki hilp munaia sip kabia ba dukiara luks. Baku stadika yabisma piua ra nit kabia kaka, naha nani yus munaia dukiara ridi kama.

Stadika yabisma piuara

1. 2. Stadi tatakrikam wilin sa kaka, stadika tâ krikaia bara tnata prakaia dukiara pura sunra kum dauks.

2. 3. Man baman aisapara. Sapta ra dîa aisi ba ra sinskam mangks, bara stadi tatakrikam ra aisabia swis.

3. 4. Pîska raya tâ krikma taim, tâ lukanka ba aisi kaiks, bara sapta lalka kum kum dukiara wirâ aisas.

4. 5. Pîska kum danh takisma taim, “Wan kupia krawaia” pîska ba yus muni, stadi tatakrikam dîa lan takan ba ai kupia kraukbia hilp muns.

5.  6. Stadi tatakrikam wal sapta bani laki kaikisma piuara:

   1. Baiki sakanka nani aikuki aisi kaiks.

   2. Tnaya pîska ra “aisi kaikma” ulban Baibil tikska nani ba sut aisi kaiki banhs.

   3. Nit sa kaka, saptika ra taki Baibil tikska wala nani sin aisi kaiks.

   4. Tnaya ra “kaikma” ulban lilkika nani (videos) ba sut mangks (ban daukaia trai muns).

   5. Makabi walanka nani sut dauks.

   6. “Kau lan taks” pîska ra ulbi paskan lilka nani (imágenes) ba aikuki laki kaiks.

   7. Stadi tatakrikam ba spirit lainka ra pâwi auya sa sapa silp kaikbia dukiara, “Naha na trai muns” bakska ba yus muns. Baku sin, baha bakska ra dîa wi ba, apia kaka diara wala alki daukaia trai munbia kupia buks.

   8. Baibil stadika dukiara witin ridi takan piua ra, “Kau pliki kaiks” pîska ra ulbi sakanka kum apia kaka lilka kum laik kaikan sapa makabi wals.

   9. Stadika yua ra saptika kumi aiska danh daukaia trai muns.

Stadika yabram ningkara

1. 7. Stadi tatakrikam ra ban luki bas. Jehova ra makas, stadi tatakrikam spirit lainka ra pâwbia ba ra blisin muni kabia, bara witin ra hilp munaia dukiara sins lâka nit sma ba maikbia ba sin.