Ohunadhowe ohudhiha

1. 1. Wiwegeredhe pama. Mudhidhi wiwegeredhaga, wubuwele dhithu anahowela namahudhera awo, makathamiho enanfwanya ni moonelo waye. Wubuwele dhithu ononiwe wihina dhinere omurusa woonelamo ni oparihedha mabasa mwigumini mwaaye. Wubuwele makalelo muselu dhinafwanyeya epaddi eni “Weegi onone dhithu dhimodha” dhinamukaviheriwa namahudhera awo. Teto wiwegeredhe wihina olabihedhe mudhidhi wohudhera yahoweleyaga.

Mwahudheraga

1. 2. Namahudheraya arumedha, ohudherawa mbajhege ni mukuthulege ni nlobelo.

2. 3. Pole-pole othabwa owoga. Muthapanyedhege baahi muselu munahudherinyu, omuhiye wihina namahudheraya awoge dhithu anubuweliye.

3. 4. Mwabajhaga ohudhera kadda epaddi ya livuru, wileri madhu eni Nnahudhere ddi? ni owoge musolo mitanu.

4. 5. Mwaamarihaga kadda epaddi, olabihedhe Ogwaddela wihina omukavihere namahudhera awo wubuwela muselu ahudhenriye.

5.  6. Wahudheraga kadda musolo nnamahudhera awo:

   1. Mwileri museluya.

   2. Mwileri dholebela dhinadha “Omwileri.”

   3. Podi wileri dholebela dhimodha dhinafwanyeya vaddimani yahoweleyaga.

   4. Orumihe vidiyu dhatedhene dhinadha “Musugwe Vidiyu” (wakanna).

   5. Waweregena makoho amatene wihina namahudhera awo awakule.

   6. Owoge fotu enafwanyeya epaddi “Ohudhere dhithu dhimodha” ni omulobe wihina namahudhera awo awogemo.

   7. Olabihedhe kaxa eni “Yoluba” wihina omukavihere namahudhera awo woona akala anowunnuwelavo epaddi yomuzimuni. We podi omukongomedha olabihedha yoluba enafwanyeyavo, yoluba emodha obe werana dhabilidhene.

   8. Omukohe namahudhera awo akala mudhidhi egeredhaga ohukala artigu obe vidiyu ethanbwe omudhivela enafwanyeya epaddi “Weegi onone dhithu dhimodha”.

   9. Mwilibihedhe omariha musolo watene kadda ohudhera.

Mwamala ohudhera

1. 7. Odidele omubuwela namahudhera awo. Olobele wa Yehova olobaga wihina amukavihere namahudhera awo teto olobege thotho wihina wande omukavihera pamadhene.