Ntsimbu Kanda Muendese Cilongesa

1. 1. Liviukisilenu vuino. Puenu na ku singanieka ha viuma vi va tondeka, cifua ci vali na ku livuilamo, na cifua ce ku muenamo viuma ndongesi yeni. Setekeni ku mona vualumo vimo via ka tondeka vukuasi linga a hase ku vi ivuisisa na ku vi pangesa. Talenu vati mizimbu ya mu mutue, konkenuho i hasa ku kuasa ndongesi, kaha liviukisilenu ku ka i pangesa mu ntsimbu ya cilongesa.

Omo Muendesa Cilongesa

1. 2. Puenu na ku vundila ku vuputukilo na ku ntsongo ya cilongesa nga ndongesi ka viana.

2. 3. Kati mu handeke cikuma. Tualenu mana ku muzimbu u va na soneka laza kaha ecelenu ndongesi a livue ku zituka.

3. 4. Ku vuputukilo vua nkala mutamba, tandenu mezi a tsindo mu mutamba uaco na ku handeka kavundende ha imo mitue ya vilongesa vilimo.

4. 5. Mu nima ya ku manusula umo mutamba pangesenu mutamba ku hituluka linga mu kuase ndongesi yeni ku vuluka vusunga vua na lilongesa.

5.  6. Omo mu lilongesa na ndongesi yeni:

   1. Tandenu mukanda.

   2. Tandenu mikanda yose ivana haka “Tandenu”

   3. Tandenu mikanda ikuavo ivana muesa nga ci tondeka.

   4. Talenu vivideo vi va na haka “Talenu” (nga muli navio).

   5. Ihulenu ndongesi nkala cihula.

   6. Konkenu ha vikupulo via ha mutamba “Tantekeyenu Vikuavo” ha mutamba kaha hulenu ndongesi a kumbululeho.

   7. Pangesenu mutamba “Lingenu Evi” mu kuase ndongesi a mone ku kola cendi mu lutsilielo. Citava mu mu kaniamese a pangese mutamba lingenu evi mu ku vueza ku matumbe akuavo ali nao.

   8. Hulenu ndongesi yenu a mi leke nga ua lemene cikuma vilongesa na vivideo via mu mutamba “Konkenuho” mua na kele na ku liviukisila cilongesa.

   9. Setekenu ku manusula nkala cilongesa.

Mu nima ya cilongesa

1. 7. Puenu na ku singanieka hali ndongesi. Puenu na ku vundila Yehova a vezikise ku kola ca ndongesi yeni na ku mi hana mana a mua ku mu kuaselamo.