ISENGEZO C
Indlela Yokufundisa Sisebenzisa Ibhuku Elithi Ungathokoza Kuze Kube Nini Lanini!
Ngesikhathi kubhalwa ibhuku elithi Ungathokoza Kuze Kube Nini Lanini! abafowethu bathandaza kakhulu futhi bachwayisisa. Ukuze ube yingcitshi ekusebenziseni ibhuku leli, zama ukulandela amacebo la.
Ungakayi esifundweni
-
1. Lungiselela okuzwayo. Ngesikhathi ulungiselela, cabanga ngalokho umfundi akudingayo, izimo zakhe kanye lalokho akukholwayo. Zibuze ukuthi kuyini okungaba nzima ukuthi akuzwisise kumbe akusebenzise. Cabanga ngokuthi kuyini okunganceda umfundi wakho okusengxenyeni ethi “Thola Okunengi” futhi ukudinge ukuze umtshengise nxa selifunda.
Nxa selifunda
-
2. Nxa umfundi evuma, qalisani ngomthandazo futhi liphethe ngawo.
-
3. Ungakhulumi kakhulu. Gxila kulokho elikufundayo njalo umvumele atsho akucabangayo.
-
4. Nxa selingena engxenyeni entsha, bala lapho okubhalwe ukuthi “Ozakufunda” ubusuqamba ezinye izihloko ezizafundwa engxenyeni le.
-
5. Nxa seliphetha ingxenye ngayinye, xoxani ngengxenye ethi ufundeni kungxenye leyo ukuze uncede umfundi akhumbule lokho akufundileyo.
-
6. Nxa selifunda isifundo ngasinye:
-
Balani izindima.
-
Balani wonke amavesi abhalwe ukuthi “Bala.”
-
Balani lamanye amavesi afakiweyo nxa kulesidingo sokuthi lenze njalo.
-
Bukelani wonke amavidiyo abhalwe ukuthi “Bukelani” nxa lilawo.
-
Buza umfundi umbuzo ngamunye.
-
Cela umfundi akhulume ngalokho akubona emifanekisweni esengxenyeni ethi “Gebha Ujule.”
-
Sebenzisa ibhokisi elithi “Ongakwenza” ukuze uncedise umfundi azihlole ukuthi uyathuthuka yini. Ungamkhuthaza ahlele ukwenza okubhalwe lapho, azibhalele afuna ukukwenza kumbe akwenze kokubili.
-
Buza umfundi ukuthi kuyini okusengxenyeni ethi “Thola Okunengi” akuthandileyo ngesikhathi elungiselela.
-
Zamani ukuqeda isifundo sonke ngelanga elilodwa.
-
Nxa seliqedile ukufunda
-
7. Qhubeka ucabanga ngomfundi. Thandaza ucele uJehova ukuthi ambusise ukuze athuthuke futhi akunike inhlakanipho ukuze wazi ukuthi ungamncedisa njani.
