Mucito maitisa jijo

1. 1. Nasanyi kunasirira. Pamunonga mecinasirira, rangariranyi ngo zvinodiwa zvo mujiji wenyu, mugariro jake no zvaanotenda. Ejanyi kuvona mativi okuti angada besero kuti anase kumazwisisa kana kumashandisa mu upenyu hwake. Vonanyi kuti masoko ari pa divi rinoti “Zivanyi Zvimweni” angabesera kudini mujiji wenyu, mova makanasiririka kuti muzomashandise pamunonga meciitisa jijo yenyu.

Pamunonga meciitisa jijo

1. 2. Tanganyi no kupejisa ngo mukumbiro, kudari mujiji wenyu akazvitendera.

2. 3. Nasanyi kungwarira kuti mutame kuvereketa maningi. Batikananyi pa masoko amuri kujijaro. Cimwenizve, ipanyi mukana mujiji wenyu kuti anange mazwiro ake.

3. 4. Pamunotanga cijijo cipsa, verenganyi musorowo no zvimusoro zvidoko zvamunozojija.

4. 5. Pamunopeja cijijoco, shandisanyi divi ro kuhwirijira kuti mubesere mujiji wenyu kuti aceukije zvokadi zvaapera kujija.

5.  6. Pamunonga mecijija no mujiji wenyu:

   1. Verenganyi ndima.

   2. Verenganyi mavhesi ese akatahwa kuti “Verenganyi.”

   3. Kudari zvecidiwa, verenganyi mavhesi amweni akanokohwa.

   4. Rijanyi vhidhiyo jese jakatahwa kuti “Rijanyi,” (kudari jeciwanika.)

   5. Itanyi muvhunjo ku mujiji wenyu.

   6. Kumbiranyi mujiji wenyu kuti asote divi rinoti “Nasanyi Kupsakisisa,” perapo momukumbira kuti anange zvaajija.

   7. Shandisanyi bhokiso rinoti “Ejanyi Kuita Izvi” kuti mubesere mujiji wenyu kuti aenderere mberi ku divi ro umwari. Muvangisenyi kuti akwanirise zvido zvinoviya pa divi iri no kutotara zvimweni zvaanoda kukwanirisa.

   8. Vhunjisanyi mujiji wenyu dangani uripo musoro kana vhidhiyo yaadakarira inowanika pa divi rinoti “Zivanyi Zvimweni’ paainga ecinasirira.

   9. Ejanyi kujija cijijo cese pa vhaza imwe.

Pamunopera kujija

1. 7. Endereranyi mberi mecirangarira ngo pamusoro po mujiji wenyu. Itanyi mukumbiro kuti Jehovha akomborere kuvangisira ko mujiji wenyu no kumupa uzivi kuti mukwanise kumubesera.