STÜK C
Wosoo ain kurs fone Bijbel hule mit dem bauk “Leew up ümer lustig!”?
Dai bruirers häwe sër feel beert un upsuiken måkt taum dat bauk Leew up ümer lustig! trechtmåke. Dat’s duu ales gaud benutse kast wat in dat bauk stäit, dau soo måke as hijr uuner stäit wen’s duu aim dai Bijbel inlëre däist.
Airer as duu der mësche inlërst
-
1. Dau dij gaud uutdenke. Dau andenke wat dai mësch bruuke däit, wat dai im leewend doirset un oiwer dat woo dai anglööwe däit. Denk oiwer dat wat kan ni licht sin tau dem forståe urer in sij leewend måke. Denk an wosoo dat stük “Taum mër waite” der mësche mithelpe kan un solang as jij lëre daue, wen sich dat passe däit, dau dat benutse wat dår stäit.
Solang as duu der mësche inlërst
-
2. Wen dai mësch anneeme däit, dau beere airer un nåheer as jij lëre daue.
-
3. Säg ni taufeel. Fortel oiwer dat wat in dat bauk stäit un dau der mësche fortele låte wat dai denkt.
-
4. Dat bauk is indailt in fair stüke. Airer as anfänge jërer ainsig fon dai fair stüke lëre, lees dat wat stäit näig bij “Wat daue wij lëre?”. Fortel uk oiwer dai titels fon wek kapitels.
-
5. Jërers mål wen jij air fon dai fair stüke trecht lërt häwe, benuts dat stük “Wat häwe wij hijr lërt?” taum der mësche andenke helpe wat dai lërt hät.
-
6. Wen’s duu jërer kapitel mit dem mësche lëre däist:
-
Lees dai paragraafs fom anfang fone kapitel.
-
Lees al dai sprüüch fone Bijbel woo stäit “Lees”.
-
Wen dat nöörg is, lees dai andrer sprüüch fone Bijbel wat dår ståe.
-
Wijs al dai videos woo stäit “Kijkt der video” (wen dat hengiwt tau dij).
-
Måk jërer fråg tau dem mësche.
-
Dau dat bijld wijse fon dat stük “Dau mër lëre”, un forlang dat dai mësch schal wat dåroiwer säge.
-
Benuts dat stük “Wat ik måke wil” taum der mësche saie helpe dat dai foirwärtsgäit im gloobe. Duu kast dem taureere soo måke as in dai tåfel stäit, dat dai alaine uutsuike däit wat dai måke wil urer dat dai dai bëre daile mökt.
-
Fråg dem mësche of dai air dail fon dat stük “Taum mër waite” gaud fuune hät solang as dai der kapitel alaine studijre däir.
-
Jërer mål wen jij t’hoop lëre forsuik der ganse kapitel lëre.
-
Nådem as jij t’hoop lërt häwe
-
7. Blijw bij oiwer der mësche denke. Dau tau Jehovaa beere un forlang dat hai der mësche seegne schal. Forlang uk dat’s duu waiten forstäist der mësche up dai best årt helpe.
