Lɛɛ lo enɔānu gae bɔātɛ̄

1. 1. Kpɛ̄naloo leere. Sɔ̄ o gaa kpɛ̄naloo, kɛɛrɛbu loo ebɛɛ̄, kɛ̄tɔɔ̄ nɛɛ o gaa nɔɛ̄ Baibol, le nu a yiga. Piiga lo ekɛɛrɛ bu pya kpog-bee nu a dap ye agaloo edābeeloo ale su yere bu dogo. Kɛɛrɛ bu kɛ̄ pya ue a le kɛ̄ a kura “Gbītɛ̄ Nu” dap yerebah nɛ nɛɛ o gaa nɔɛ̄ nu doo, sa kpɛ̄naloo esu daānu sɔ̄ bui gaa nɔ nu.

Sɔ̄ lo enɔānu gaa kiisī

1. 2. Bɔātɛ̄ sa kpaɛ̄ tɛ̄maloo kara, etaage bee nɛɛ o gaa nɔɛ̄ Baibol naa gbī doo wo.

2. 3. Nwaɛ̄dɛɛ̄ lokwa oo kɔ gbɛnɛkpo ue. Sere ekɛɛrɛ nyɔɔ pya nu a le bu kpa bui gaa nɔ sa lɛɛbahloo nɛɛ o gaa nɔɛ̄nu kɔ a kɔ ue.

3. 4. Sɔ̄ bui gaa bɔātɛ̄ ziī aā ekobee ue, buū ue nuūnabee a nyɔɔnɛ lo ekobee sa baatɛ̄ pio gbagbara ekobee ue a le bu lo ekobee ue.

4. 5. Sɔ̄ bui enɔā sah, su ebip tɛ̄ma nyɔɔ yeābah nɛ nɛɛ o gaa nɔɛ̄ Baibol kɔ a dap nyɛŋiabu pya kaka ue bui enɔā.

5.  6. Sɔ̄ o gaa nyɔɔnɛ nɛɛ o wee nɔɛ̄ Baibol nɔ ziī ziī nu enɔ:

   1. Buū ziī ziī barakpaɛ̄.

   2. Buū dɛ̄dɛɛ̄ dɔ kpa kaɛ alu e’ɛm “Buū” kpaɛ̄.

   3. Buū pya dɔɔ̄na dɔ kpa kaɛ a lenage bu lo alu ebɛɛ̄ lo.

   4. Bira pya vidio alu e’ɛm “Bira lo Vidio” loo (lo o ɛrɛ).

   5. Bip ziī ziī lo ebip nɛɛ o gaa nyɔɔnɛ nɔ nu.

   6. Kue ye ekɛɛrɛ kumaloo pya foto a le kɛɛ̄ “Nɔ Yereloo,” sa o kɔ ye nɛ kɔ a naa baatɛ̄.

   7. Su pya ue a le bu ekpo a kura “Nu Edoo” yeābah nɛ nɛɛ o gaa nɔɛ̄ nu kɔ a suā kɛ̄ a gaa kiisī leere bu edɔɔ̄ doo. O dap ye yere mɛm loo kɔ a su pya nu edoo alu e’ɛm lo kɛ̄ ale e ɛm pya lo dɔɔ̄na gbaāloo sa su yere bu dogo.

   8. Bip nɛɛ o gaa nyɔɔnɛ nɔ Baibol lo a ɛrɛ ziī ekobee ue ale vidio a le kɛɛ̄ “Gbītɛ̄ Nu” a bee ye nia kaāna sɔ̄ aa bee kpɛ̄naloo lo enɔānu.

   9. Piiga lo enɔ ziī ekobee ue lɛɛ ziī sɔ̄.

Sɔ̄ bui enɔā nu sah

1. 7. Kiisī lo ekɛɛrɛ nu akiiloo nɛɛ o gaa nɔɛ̄ Baibol. Yere kara nɛ Jɛhova bara kɔ a doo kɔ nɛɛ o gaa nɔɛ̄ Baibol a nyim kiisī leere le kɔ a nɛ a suānu lokwa o dap suā kɛ̄ eyerebah ye nɛ doo.