Promé ku un estudio

1. 1. Prepará bon. Ora bo ta prepará, pensa riba e nesesidatnan, e sirkunstansianan i e kreensianan di bo studiante. Purba di pensa riba algun punto ku lo por ta difísil pa bo studiante komprondé i apliká. Pensa kon e sekshon “Mas Informashon Interesante” por yuda bo studiante i, ora ta apropiá, bo por trata algun di e puntonan di e sekshon ei durante e estudio.

Durante un estudio

1. 2. Kuminsá i kaba un estudio ku orashon si bo studiante no tin problema ku esei.

2. 3. No papia muchu durante un estudio. Enfoká riba e informashon den e publikashon i laga bo studiante ekspresá su mes.

3. 4. Ora bo ta bai kuminsá ku un sekshon nobo (esta, un di e kuater sekshonnan ku tin den e buki), lesa e punto di enfoke i resaltá tema di algun di e lèsnan.

4.  5. Ora bo kaba un sekshon kompleto, usa e repaso di e sekshon pa yuda bo studiante kòrda e bèrdatnan di Beibel ku el a siña.

5. 6. Ora bo ta bai studia un lès ku bo studiante:

   1. Lesa e informashon bou di kada punto.

   2. Lesa tur e tekstonan ku tin e palabra “lesa” nan dilanti.

   3. Ora ta nesesario, lesa e tekstonan sitá.

   4. Wak tur e vidionan ku ta bisa: “Pasa e Vidio” (si nan ta disponibel).

   5. Hasi bo studiante tur e preguntanan.

   6. Hala atenshon na e plachinan den e sekshon “Kiko Mas Nos Por Siña,” i pidi bo studiante pa komentá riba e plachinan.

   7. Usa e kuadro “Meta” pa yuda bo studiante mira kon e por evaluá su progreso spiritual. Bo por anim’é pa e kumpli ku e meta ku tin den un lès, pa e pone otro meta òf pa e hasi ámbos.

   8. Puntra bo studiante si tin un artíkulo òf vidio di e sekshon “Mas Informashon Interesante” ku el a gusta ora e tabata prepará e lès.

   9. Purba di kaba un lès den un solo seshon di estudio.

Despues di un estudio

1. 7. Sigui pensa kon bo por yuda bo studiante. Pidi Yehova pa sigui yuda bo studiante i pa bendishoná e progresonan ku e ta hasi. Pidi Yehova duna bo sabiduria pa sa kiko mas bo por hasi pa yuda bo studiante.