AUNHANK C
Bibelstudiums leiden met daut Buak Een scheenet Läwen fa emma!
De Breeda haben doa sea äwa jebät un goot äwa nojedocht, woo see daut Buak Een scheenet Läwen fa emma! oppstalen wudden. Toom daut Buak daut baste utnutzen, doo daut soo, aus daut hia steit.
Ver daut Studium
-
1. Moak die goot reed. Denkj äwa dienen Schiela siene Omstend no, waut dee jleeft un waut dän fält. Denkj doaräwa no, waut fa am wudd kjennen schwoa sennen to vestonen ooda notokomen. Denkj uk doaräwa no, woo daut Poat “Mea nosieekjen” dän Schiela halpen kunn. Biem Studium kaust du dan daut brucken, waut dän fält.
Biem Studium
-
2. Bäd ver un no daut Studium, buta de Schiela es doajäajen.
-
3. Doo nich too väl räden. Bliew bie daut, waut en daut Studia-Buak steit, un lot dienen Schiela sajen, waut dee denkjt.
-
4. Wan du eent von de vea Poats von daut Läwen-fa-emma-Buak aunfangst, dan läst ieescht de Enleidunk von daut Poat un wies dän een poa Teemasch von de Kapitels.
-
5. Wan jie met eent von de vea Poats derch sent, dan bruck daut Poat “Waut du jelieet hast” toom dienen Schiela halpen, de Lieren em Denkj to hoolen.
-
6. Wan du met dienen Schiela een Kapitel studieescht, dan doo dit:
-
Läs daut ieeschte Poat von daut Kapitel met dienen Schiela toop.
-
Läst aul de Bibelvarzhen, wua daut sajcht: “Läs”.
-
Läst uk de aundre Bibelvarzhen, waut doa aunjejäft sent, soo aus dänjanjen daut fält.
-
Wies aul de Videos, wua daut sajcht: “Kjikjt daut Video” (wan mäajlich).
-
Froag dienen Schiela aule Froagen, waut doa aunjejäft sent.
-
Beseet junt toop de Bilda bie daut Poat “Dolla unjastonen” un froag dienen Schiela, woo dee doaräwa denkjt.
-
Met daut Hock “Nemm die dit väa” kaust du dienen Schiela halpen to seenen, woo dee em jeisteljen wiedakjemt. Du wurscht dän tooroden kjennen, sikj entwäda daut väatonämen, waut doa steit, ooda waut aundret ooda mau rajcht beides.
-
Froag dienen Schiela, aus bie daut Poat “Mea nosieekjen” een besondra Artikjel ooda Video es, waut dee biem reedmoaken sea jejleicht haft.
-
Proow, bie jieda Studium een gaunzet Kapitel derchtogonen.
-
No daut Studium
-
7. Denkj wieda äwa dienen Schiela no. Froag Jehowa no Weisheit, om to weeten, woo du dienen Schiela halpen kaust. Bäd uk, daut Jehowa dienen Schiela säajnen mucht, daut dee kaun wiedakomen.
