Wiñtyi iga inikkuyujiñ

1. 1. Wɨnawɨtsaktaajɨ. Kujɨɨsɨ tyityam ityogoyay, jempɨk sɨʼ iñaskaʼ y tyityam ikupɨkpa. ¿Ity algun tyi iga tan̈kaʼ ikutɨʼɨyɨy o ikkupak jeʼm iityijom? Kɨʼpin̈ɨ jeʼm an̈kejayoʼoyiyaj y videos iga miñba juuty nɨmpa «Jodon̈aajɨnam» y kujɨɨsɨ juutypɨk wɨap iyooxpaʼt jeʼm in̈kuyujkɨʼɨwiñ. Siiga in̈kɨʼpin̈neʼebam, iñjoodon̈am tyityam iniity y siiga nasuntaap wɨap inin̈kejay jeʼm in̈kuyujkɨʼɨwiñ.

Jesɨk sɨʼbam inikkuyuj

1. 2. Siiga jeʼm in̈kuyujkɨʼɨwiñ iwɨan̈jaam, waatɨ tuum an̈wejpadoʼoyi jesɨk iniktsukumpa y jesɨk kuyajpa jeʼm kuyuuji.

2. 3. Odoy numaaj mich jɨɨyɨ. An̈maatɨ jeʼm jɨɨxi inimiññewɨʼɨp jeʼm an̈kejayoʼoyi y aʼmchiɨʼ iga jeʼm in̈kuyujkɨʼɨwiñ jɨʼyiñtyim.

3. 4. Jesɨk iniktsukumpa tuum joomipɨk jaakaʼ, maayɨʼ jeʼm jɨɨxi iniitywɨʼɨp yɨʼp jaakaʼ y jɨykiʼimɨ weeñi an̈kejayoʼoyiyaj inimiñpaʼap.

4. 5. Jesɨk kuyajpa tuum jaakaʼ, nakɨʼpin̈ɨ jeʼm in̈kuyujkɨʼɨwiñ juuty nɨmpa ¿iñjɨɨspanam? iga odoy ikujaʼamaʼyiñ jempɨk ikuyujkaʼ.

5. 6. Jesɨk in̈kɨʼpin̈ba kun jeʼm in̈kuyujkɨʼɨwiñ tumtum an̈kejayoʼoyi:

   1. Wagamaytyaʼamɨ jeʼm wiñtyipɨk párrafojyaj.

   2. Maytyaʼamɨ ityumpɨy jeʼm textos juuty nɨmpa «Maytyaʼamɨ».

   3. Wɨaptyim immaytyaʼm tun̈gak textos iga inimiñba tumtum an̈kejayoʼoyi.

   4. Siiga miwɨap an̈kejaʼayɨ ityumpɨy jeʼm videos juuty nɨmpa «Aʼmtaʼamɨ».

   5. Wadaʼayɨ ityumpɨy jeʼm akwagoʼoyiyaj.

   6. Kɨʼpin̈taʼamɨ jeʼm imagenyaj miñpaʼap juʼuty nɨmpa «Maaj tan̈wɨkuyujkaiñ».

   7. Pɨɨkɨ jeʼm recuadro «Waatɨ yɨʼɨmpɨk» iga jeʼm in̈kuyujkɨʼɨwiñ iaʼmiñ juʼtspɨyam mɨjaneʼ espiritualmente. Anmajan̈chiɨʼ iga nakkaʼmaytyaiñ metas. Juʼuts jempɨk inimiñba jeʼm recuadro o tun̈gak.

   8. Akwaʼakɨ siiga ikusuʼnɨy tuum an̈kejayoʼoyi o tuum video miñpaʼap juuty nɨmpa «Jodon̈aajɨnam» jesɨgam imay jempɨk ikuyujkaʼaba.

   9. Siiga wɨap, jesɨk kuyujpa nakɨʼpin̈ɨ ikumuuma tuum an̈kejayoʼoyi.

Okmɨ iga inikkuyuj

1. 7. Jɨɨskupakneɨʼ jeʼm in̈kuyujkɨʼɨwiñ. Waʼgaʼayɨ Jehová iga ikumaykedyiñ y michiʼiñ jeʼm joodon̈oʼoyi iga wɨaiñ iñyooxpaʼt.