APÉNDICE C
¿Cushilla causai nishca librohuanca ima shinataj yachachina canchij?
Cushilla causai nishca librota rurangapajca pushaj huauquicunaca alli yuyashpa, Diosta mañashpami rurarcacuna. Chaimantami cai librotaca alli utilizana canchij. Chaipajca cai catij yuyaicunata pajtachi.
Manaraj yachachishpa caita rurai
-
1. Alli preparari. Cambaj yachacuj imata minishtishcapi, paipaj causaipi, paipaj crishcacunapi alli yuyai. “¿Cai yachaipica imatachari mana intindinga? ¿Practicapi churanaca sinchichari canga?” nishpa yuyari. “Caicunatapish ricui” nishca recuadropi tiyaj videocunata, informaciontapish ricui. Chaicuna yachacujta ima shina ayudai tucushcata yuyai. Minishtijpicarin chaicunatami yachacujman ricuchi tucungui.
Yachachicushpa caita rurai
-
2. Yachacuj de acuerdo cajpica yachai callaringapaj, tucuchingapajpish Diosta mañai.
-
3. Ama yallitaj parlari. Cada yachaipi tiyaj yuyaicunallata yachachi. Yachacuj parlachunpish saqui.
-
4. Libropaj parte 1, 2, 3 y 4-ta yachachi callarigrishpaca imata yachagrishcata yachacujman ricuchi. Yachaicunapaj huaquin temacunatapish ricuchi.
-
5. Cada partepi tiyaj yachaicunata tucuchishpaca yachacuj imata yachashcata yuyarichun shuj repasota rurai.
-
6. Cada yachaita yachachicushpa caita rurai:
-
Callari parrafocunata yachacujhuan liyi.
-
“Liyipai” nishca versocunata liyi.
-
Imapi ayudangapajca yachaipi tiyaj shujtaj versocunatapish liyi.
-
“Ricui” nishca videocunataca pudishpaca ricuchi.
-
Tucui tapuicunata rurai.
-
“Ashtahuan yachashun” nishca partepica fotocunata, dibujocunata intindichi.
-
“Caita rurai” nishca recuadrota utilizai. Chaipica Diosta sirvingapaj metacunata churachun yachacujta animai.
-
“¿Yachangapaj prepararicushpaca ‘Caicunatapish ricui’ nishca partemantaca imatataj ashtahuan munarcangui?” nishpa tapui.
-
Ña yachachicushpaca yachai completota yachachingapaj esforzari.
-
Yachachishca qꞌuipaca caita rurai
-
7. Jehová Diosta yachacujmanta mañashpa cati. Shinallataj cantapish yuyaita cushpa ayudachun mañai.
