Manaraq estudiachiq richkaspa

1. 1. Allinta preparakuy. Piensariy imakuna yanapananpi, imayna kawsakusqanpi hinaspa imakunapi creesqanpi. Piensariytaq imakunata sasata entiendenanpipas utaq imakunata kasukunanpaq sasachakunanpipas. “Astawan yachanaykipaq” niqpi yachachikuykunatawan videokunata qaway hinaspa piensariy estudiachisqaykita imayna yanapananpi. Chaynapim preparasqa kanki estudiachispayki chaykunawan yanapanaykipaq.

Estudiachispa

1. 2. Acuerdopi kaptinqa qallarinaykichikpaq hinaspa tukunaykichikpaqmi Diosta mañakuwaq.

2. 3. Estudiachispaykiqa ama qamllaqa rimaychu. Libropa nisqanman hina yachachiy hinaspa yachachisqayki runa ima piensasqanta rimarinanpaq saqiy.

3. 4. Kusisqa kawsakunapaq libroqa tawa parteman rakinasqam kachkan, sapa partepa qallariyninpi kaqta hinaspa listapi wakin yachachikuykunapa titulonta leey.

4. 5. Sapa partepi lliw yachachikuykunata tukuruspaykichikqa “¿Ima niwaqtaq?” niqpi tapukuykunata tapuy imakuna yacharusqanta yuyarinanpaq.

5.  6. Sapa yachachikuyta estudiaspaykichikqa:

   1. Qallariypi parrafokunata kuska leeychik.

   2. “Leeychik” niq textokunata llapanta leeychik.

   3. Chay yachachikuypi rikuriq wakin textokunatapas leewaqchikmi estudiachisqaykita yanapananpaq kaptinqa.

   4. “Videota qawaykuychik” niq llapan videokunata qawaychik atikuptinqa.

   5. Lliw tapukuykunata tapuy.

   6. Kuska rimariychik “Astawan yachaykusun” niqpi rikuriq dibujokunamanta.

   7. “Kaypaq kallpanchakuy” nisqanta servichikuy ñawparisqanmanta cuentata qukunanpaq. Kallpanchawaqmi chay recuadropa nisqanpi utaq huk ruwaypi kallpanchakunanpaq.

   8. Preparakuptin “Astawan yachanaykipaq” nisqanpi mayqan yachachikuy utaq mayqan video gustarusqanmanta tapuy.

   9. Atikuptinqa sapa estudiasqaykichikpi huk yachachikuyta tukuychik.

Estudiachiyta tukuruspa

1. 7. Hinalla piensay estudiachisqayki runamasikipi. Jehova Diosta mañakuspayki niy hinalla yanapananpaq, mañakuytaq qanmanpas yachayta qusunaykipaq, chaynapi allinta yanapaykunaykipaq.