I mua ake i te apii

1. 1. E akapapa meitaki. Akamanako eaa te au anoano, te turanga, e te irinakianga o taau tangata apii. E akara i te au manako penei ka ngata iaia i te mārama me kore kia taangaanga. Akamanako akapeea te tuanga “Kimi Kimi” me tauturu iaia, e kia papa ua i te akaari i te reira, me ka anoanoia.

I te tuatau o te apii

1. 2. Akamata e te akaoti na roto i te pure, me ka āriki te tangata apii.

2. 3. Eiaa e maata te tuatua. Akamou ki runga i te apii e te akarongo kiaia me akakite i tona manako.

3. 4. Me akamata i tetai tuanga ou e tatau i te tuatua poto. E taiku katoa i tetai au tumu manako o tera tuanga.

4. 5. Me taopenga i tera tuanga, e taangaanga i te uriurianga ei tauturu iaia kia akamaara i te au apii tana i mou mai.

5.  6. Ia korua e uriuri ra i te au apii tataki tai:

   1. a. E tatau i te au tuatua.

   2. e. Tatau i te au irava tei tataia “E tatau.”

   3. ng. Tatau i tetai au irava tei taikuia, me ka anoanoia.

   4. i. Akara i te au vitio tei tataia “E akatangi” (me ka rauka ia koe).

   5. k. E ui i te au uianga kiaia.

   6. m. Pati kiaia kia akara i te au tutu o te tuanga “Kimi Oonu”, e kia akakite mai i tona manako.

   7. n. Taangaanga i te pia “Akakoroanga” ei tauturu iaia kia akara i tona turanga pae vaerua. Penei, e akamaroiroi iaia kia taangaanga i te akakoroanga tei taikuia e te akanoo i tetai akakoroanga ke.

   8. o. Ui kiaia me kua reka aia i tetai o te au atikara me kore vitio o te tuanga “Kimi Kimi.”

   9. p. E tauta kia akaoti e tai apii i tera atianga.

I muri ake i te apii

1. 7. E akamaara ua i taau tangata apii. Pure kia Iehova kia akameitaki i tona turanga pae vaerua e te oronga mai i te pakari, kia kite koe akapeea me tauturu iaia.