Anglo študijum

1. 1) Ker tuke lačhi priprava. Rozmišľin, so kampel tire zaujemcaske te šunel, so predživel the andre soste paťal. Rozmišľin, so ela predal leste pharo te achaľol a te doľikerel. Šaj leske pomožinel vareso andal o kotor „Dikh tuke buter“. Te kampela, šaj oda rozkiden jekhetane pro študijum.

Pro študijum

1. 2) Te o zaujemcas suhlasinel, pomodľin tut pro začjatkos the pro agor.

2. 3) Ma vaker but. Ľiker tut olestar, so hin andre kňižka a mukh le zaujemcas te vakerel.

3. 4) Sar džana pre nevo kotor andre kňižka, pregen pal soste ela kada kotor a tiš sar pes vičinen varesave lekciji andre kada kotor.

4. 5) Sar predžana savore lekciji andal varesavo kotor, rozkide leha „Leperes tuke?“ Koda leske pomožinela feder peske te pametinel oda, so sikhľiľa.

5.  6) Sar te rozkidel e lekcija:

   1. a) Pregenen o odseki.

   2. b) Pregenen savore biblicka teksti, paš save hin pisimen „Pregen“.

   3. c) Te kampela, pregenen the aver teksti, so hine odoj.

   4. d) Mukh savore videji, paš save hin pisimen „Mukh o videjo“ (te pes tuke del).

   5. e) Rozkiden jekhetane dojekh otazka.

   6. f) Mukh les, mi povakerel pal o obrazki, so hine andro kotor „Dodžan tut buter“.

   7. g) O kotor „Kam te kerel“ pomožinela tire zaujemcaske te dikhel, či kerel o pokroki. Podhazde les, mi skušinel te kerel oda, so hin andro ramčekos. Abo leske de aver cjeľos. Abo mi kerel soduj.

   8. h) Phuč lestar, či les paš e priprava zaiľa varesavo videjo abo člankos andal o kotor „Dikh tuke buter“.

   9. i) Te pes del, pro študijum rozkiden jekh caľi lekcija.

Pal o študijum

1. 7) Dureder rozmišľin pal o zaujemcas. Mang le Jehovas, kaj leske te pomožinel te kerel o pokroki. A kaj tuke te del goďi, kaj leske te džanes te pomožinel.