Πριν κατά μελέτη

1. 1. Τι προετοιμάντιβεν μπουτ λατσσές. Κάνα προετοιμάντιβενα, σκεφτίνεν σο ανάγκες τθερέλα, σο νακχέλα ντα σο πακιάλα ο τζενό. Σκεφτίνεν πο τζανγκλέ καλά σημεία μπέκιμ κα δυσκολίντιβελ τι αγαβέλ ή τι κερέλ πι ζωγιάτε. Σκεφτίνεν σαρ κα μπορίνενας τι βοηθίνεν ι τζενές οντουλά σο ισί κο «Ρόντε», ντα τι αβέν έτοιμοι τι χρησιμοποιήνεν ανταβά μέρος κάνα κα χρειαζίντιβελ κι μελέτη.

Καζόμ αβέλα-πες η μελέτη

1. 2. Τι αρχίνεν ντα τι τελειώνεν με προσευχή, εκτός άμα να μανγκέλα ο τζενό.

2. 3. Προσοχίνεν μα τι κερέν μπουτ λάφι. Ατσσόν οντουλέντε σο βακερέλα ο έντυπος ντα μουκχέν ι τζενές τι κερέλ λάφι.

3. 4. Κάνα αρχίνενα εκ νεβό μέρος, διαβάνεν ο «Κα Ντικχές» ντα σικαβέν λέσκε χάνικ θέματα κατά μαθήματα.

4. 5. Κάνα τελειώνενα εκ μέρος, χρησιμοποιήνεν ο «Σο Σικλιλάν Κατά Μέρος» για τι βοηθίνεν ι τζενές τι ντελ-πες γκοντί ο αλήθειες σο σικλιλό.

5. 6. Καζόμ κερένα κάθε μάθημας ι τζενέσαρ:

   1. α. Τι διαβάνεν ο μάθημας.

   2. β. Τι διαβάνεν σαρέ ο εδάφια σο βακερένα «Διαβάνεν».

   3. γ. Κάνα χρειαζίντιβελα, διαβάνεν γιαβερά-ντα κατά εδάφια σο ισί αντρέ.

   4. δ. Τι ντικχέν σαρέ ο βίντεα σο βακερένα «Ντικχέν» (άμα αβέλα-πες ανταβά).

   5. ε. Τι κερέν κο τζενό σαρέ ο ερωτήσεις.

   6. ζ. Τι γκερέν ι προσοχή κο φωτογραφίες σο ισί κο «Χάντζουβ πο Αχόρτ» ντα μανγκέν κατά τζενό τι βακερέλ σο ντικχέλα.

   7. η. Τι χρησιμοποιήνεν ο πλαίσιος «Σο Μανγκάβα τι Κεράβ» για τι βοηθίνεν ι τζενές τι ντικχέλ σαρ τζάλα λέσκι πρόοδος. Τι βακερέν λέσκε τι κερέλ οντουβά σο βακερέλα οτθέ, τι σκεφτίνελ κάτι γιαβέρ σο μανγκέλα τι κερέλ ή τι κερέλ-λεν ο ντούι-ντα.

   8. θ. Τι πουτσέν ι τζενές άμα αρακχλάς κάτι σο μπεϊντιντάς πο μπουτ κατά θέματα ή κατά βίντεα κο μέρος «Ρόντε» καζόμ προετοιμάντιβελας ι μαθημάσκε.

   9. ι. Τι προσπαθίνεν τι κερέν εκ μάθημας κάθε φαρ.

Σοράν κατά μελέτη

1. 7. Τι συνεχίνεν τι σκεφτίνεν ι τζενές. Προσευχίντιβεν κο Ιεχωβά για τι ευλογίνελ λέσκι πρόοδος ντα τι ντελ-τουμέν σοφία για τι τζανέν σαρ τι βοηθίνεν-λες.