Angla o studio

1. 1. Pregătisar-tu mișto. Gândisar-tu ca o manuș, prin so nachel, so pachial vo hai so avelas-les nevoia te așunel. Rode te des chi sama so sicaimata avenas mai phare anda leste te hachiarel sau te lel-pe pala lende. Gândisar-tu so materialea catar i secțiunea „Rode mai but” daștinas te ajutin-les hai av pregătime te folosis-len, dacă trebul, co studio.

Co studio

1. 2. Dacă o manuș camel, astar hai phandav o studio ieche manglimaia.

2. 3. Na de duma but. Încăr chi goghi ca le sicaimata cai dichen-le ande iech than hai mech ca o manuș te phenel so pachial.

3. 4. Cana astares iech nevi partea anda o lil, citisar so si scriime ca „So va avela te sichios” hai phen le titluri catar chichiva lecții.

4. 5. Cana terminis iech partea, folosisar-tu catar „So sichileam” caște ajutis le manușes te anel ande peschi goghi le ciacimata cai sichilea-le.

5.  6. Cana cheres fiesavi lecția le manușeia:

   1. a) Citisaren ande iech than so si scriime.

   2. b) Citisaren sea le versetea cai scriil „Citisaren”.

   3. c) Dacă trebul, citin vi aver versetea sicade.

   4. d) Dichen sea le materialea video cai scriil „Dichen” (dacă sile disponibilo).

   5. e) Șiu sea le pușimata.

   6. f) Ortosar i atenția le manușeschi caring le imagini catar i secțiunea „Hachiar mai mișto” hai mang-les te phenel so dichel.

   7. g) Folosisar o chenarii „So trebul te cheres” caște ajutis le manușes te dichel so paruimata mai trebul te cherel caște bariol ando pachiamos. Zuriar-les te cherel buchi ca so si scriime code andi lecția sau te gândil-pe ca aver vareso so trebulas te cherel.

   8. h) Puș le manușes dacă ciailea-les mai but vroiech articolo sau iech materialo video catar i secțiunea „Rode mai but” cana pregătisardea-pe anda i lecția.

   9. i) De chi zor te cheres iech sasti lecția de fiesavi data cana studiin.

Pala o studio

1. 7. Gândisar-tu mai dur co manuș. Mang le Iehovas te avel pașa leste caște daștil te bariol ando pachiamos hai te del-tu goghiaverimos caște jianes sar te ajutis-les.