Англа изучения

1. 1. Драго ӷотовься. Кала ту када терэс, гиндосар пала кода, со трэбуй лэ изучающёнэсти, пала лэстири ситуацыя и пала кода, андэр со во патял. Старысав тэ полэс, савэ гиндоря лэсти авэла найвушэро тэ полэл или тэ прилэл. Гиндосар, саво лашымос лэ манушэсти можэт тэ анэн и инфармацыя анда рамка «Дик инке» и, кала када трэбуй, ав ӷотово тэ используеш ла пэ изучения.

Пэ изучения

1. 2. Если о изучающё нэ против, мангпэ англа изучения и посли латэ.

2. 3. Старысав тэ на дэс дума бут. Май бут шув сама по материало анда книжка и дэ лэ изучающёнэсти тэ виԥэнэн пэско гиндо.

3. 4. Кала тумэ начинаете нэви часть, адиносар, сави латэ цэль и шув сама, сар называюца дэсавэ ӷлавы.

4. 5. Кала тумэ заканчиваете часть, через и вопросоря пэ страница «Со ту уӷанглян» поможысар лэ изучающёнэсти тэ запомнит кода, пала со тумэ динэ дума.

5.  6. Пэ кажно изучения трэбуй:

   1. а) Тэ адинон и абзацоря анда пэрво часть андэ ӷлава.

   2. б) Тэ адинон всаворэ стихоря, каринг савэ пистромэ «Адиносар».

   3. в) Если трэбуй, тэ адинон и авэр стихоря, савэ исин андо абзацо.

   4. г) Тэ диқэн всаворэ видео, пала савэ пистромэ «Диқам» (если када возможно).

   5. д) Тэ задэс лэ изучающёнэсти всаворэ вопросоря анда ӷлава.

   6. е) Тэ шос сама пэ картинки анда часть «Уӷанам май бут» и тэ задэс каринг лэндэ вопросоря.

   7. ж) Тэ используеш и рамка «Стер када», кай тэ поможыс лэ изучающёнэсти тэ полэл, сар во барёл духовно. Можно тэ ԥэнэс лэсти тэ домардёл кодэя цэль, сави исин андэ рамка, или тэ стол авэр.

   8. з) Тэ пушэс кай о изучающё, савэ видео или статьи анда рамка «Дик инке» лэсти со май фартэ чалелэ, кала во ӷотовился каринг и изучения.

   9. и) Тэ старыиспэ тэ прожас ек ӷлава важ ек изучения.

Посли изучения

1. 7. И май дур гиндосар пала изучающё. Манг лэ Иеговас тэ блаӷословий о зор, саво во пристол. Кадяжэ мангпэ пала мудрость, кай тэ полэс, сар тэ поможыс лэ изучающёнэсти.