APENDISE C
Munaphatisira Tani Bukhu “Tsandzayani na Umaso Kwenda na Kwenda!” Toera Kucitisa Mapfundziro a Bhibhlya.
Abale acita phembero, pontho afufudza mwadidi mphangwa ziri m’bukhu Tsandzayani na Umaso Kwenda na Kwenda! Toera kuphatisira mwadidi bukhu ineyi pakucitisa mapfundziro a Bhibhlya, towezerani maonero awa:
Mbamudzati kucitisa pfundziro
-
1. Khunganyikani mwadidi. Mu ndzidzi unakhunganyika imwe, nyerezerani pinafuna nyakupfundza wanu, makhaliro ace na pinthu pinakhulupira iye. Nyerezerani makhundu akuti panango iye anafuna ciphedzo toera kuabvesesa na kuona kuti anaaphatisira tani. Onani kuti mphangwa ziri pa khundu yakuti “Toera Kudziwa Pinango” zinam’phedza tani, pontho pingafunika, anaziphatisira tani mu ndzidzi wa pfundziro.
Pakucitisa pfundziro
-
2. Nyakupfundza angatawira, tomani na phembero, pontho malisani na phembero.
-
3. Lekani kulonga kakamwe. Gomezerani mphangwa zinapfundza imwe, pontho siyani nyakupfundza alonge maonero ace.
-
4. Mungafuna kutoma khundu ibodzi ya bukhu, lerini mafala ali pa khundu ineyi, pontho gomezerani misolo mingasi.
-
5. Mungamala kupfundza khundu ineyi, phatisirani mibvundzo yakubwereza ya khundu ineyi toera kuphedza nyakupfundza wanu kukumbuka pidapfundza iye.
-
6. Mu ndzidzi unapfundza imwe nsolo ubodzi na ubodzi na nyakupfundza wanu:
-
Lerini ndima.
-
Lerini malemba onsene ali na cidzindikiro cakuti “Lerini.”
-
Pingafunika lerini malemba anango.
-
Pangizani mavidhyu onsene ali na cidzindikiro cakuti “Onani” (khala muli nawo).
-
Citani mbvundzo ubodzi na ubodzi kuna nyakupfundza wanu.
-
Phembani nyakupfundza wanu toera aone mafoto anagumanika pa khundu yakuti “Dziwani Pizinji,” pontho m’phembeni toera alonge thangwi ya mafoto anewa.
-
Phatisirani khundu yakuti “Yeserani kucita ipi” toera kuphedza nyakupfundza wanu kuti aone kuthambaruka kwace. Pontho muwangiseni toera alembe cifuniro cace pa khundu yakuti maonero anango.
-
Bvundzani nyakupfundza wanu khala mu ndzidzi ukhakhunganyika iye aona nsolo peno vidhyu idankomera pa khundu yakuti “Toera Kudziwa Pinango.”
-
Wangisirani toera kumalisa nsolo ubodzi pa pfundziro yanu.
-
Pakumala kucitisa pfundziro
-
7. Pitirizani kunyerezera nyakupfundza wanu. Phembani Yahova toera apase nkhombo kuthambaruka kwa nyakupfundza wanu, pontho akupaseni luso yakudzindikira kuti munam’phedza tani.
