A o leʻi faia le suʻesuʻega

1. 1. Ia sauniuni lelei. Ia mafaufau i manaʻoga, tulaga, ma manatu o le tagata aʻoga. Ia taumafai e iloa manatu atonu e faigatā ona ia malamalama i ai pe faatatau i lona olaga. Ia manatunatu pe e faapefea ona aogā le vaega “Manatu Faaopoopo” i lau tagata aʻoga, ma ia faaaogā pe a manaʻomia a o faagasolo le suʻesuʻega.

A o fai le suʻesuʻega

1. 2. Ia amata ma faaiʻu i le tatalo pe a talafeagai ma le tagata aʻoga.

2. 3. Aua le tautala soo. Ia taulaʻi i le mataupu ma tuu le avanoa i le tagata aʻoga e faailoa mai ai ona manatu.

3. 4. Pe a amata se tasi o vaega autū, ia faitau le sini mo lenā vaega ma ia faamatilatila nisi o ulutala o lesona.

4. 5. Pe a māeʻa se vaega autū, ia faaaogā fesili autalu o le vaega ina ia fesoasoani i lau tagata aʻoga e manatua ai upu moni na ia aʻoaʻoina.

5.  6. A o lua suʻesuʻeina lesona taʻitasi ma lau tagata aʻoga:

   1. a. Ia faitau palakalafa.

   2. e. Ia faitau mau uma ua faailogaina “Faitau.”

   3. i. Ia faitau isi mau sii pe a manaʻomia.

   4. o. Ia faaali vitiō uma ua faailogaina “Faaali” (pe afai ua e mauaina).

   5. u. Ia fai atu fesili taʻitasi i le tagata aʻoga.

   6. f. Ia faauaʻi i le ata o loo i le vaega “Saʻiliʻili Atili” ma fesili i le tagata aʻoga mo sona manatu.

   7. g. Ia faaaogā le pusa “Sini” e fesoasoani ai i lau tagata aʻoga ina ia iloa lona agaʻigaʻi i luma faaleagaga. E mafai ona e faalaeiauina o ia e faaaogā le sini ua saunia atu, po o isi sini, pe faaaogā foʻi tamaʻi pusa uma e lua.

   8. l. Ia fesili i le tagata aʻoga pe na iai se mataupu po o se vitiō i le vaega “Manatu Faaopoopo” na fiafia i ai a o sauniuni mo le lesona.

   9. m. Ia taumafai e fai atoa le lesona i suʻesuʻega taʻitasi.

Pe a uma le suʻesuʻega

1. 7. Ia faaauau ona mafaufau i lau tagata aʻoga. Ia tatalo iā Ieova e faamanuia i ana taumafaiga e agaʻigaʻi i luma, ma foaʻi atu iā te oe le atamai e fesoasoani ai iā te ia.