Bifö i bigi lei di sëmbë soni

1. 1. Seeka iseei bunu. Te i ta seeka iseei, nöö pakisei andi di sëmbë abi fanöudu, unfa a dë, söseei andi a ta biibi. Pakisei dee soni dee sa taanga dëën faa fusutan, nasö faa du. Pakisei unfa dee woto a di pisi „Woto soni di i sa luku” sa heepi ën, nöö seeka iseei fii sa taki u de te a dë fanöudu te i ta lei ën soni.

Te i ta lei di sëmbë soni u Bëibel

1. 2. Bigi ku wan begi, söseei kaba ku wan begi, ee a kai ku di sëmbë.

2. 3. Luku bunu taa ja ta fan hia poi. Buta pakisei a dee soni dee dë a di buku, nöö be di sëmbë taki fa a ta pakisei u soni.

3. 4. Te joo bigi ku wan njunjun pisi u di buku, nöö lesi di pisi „Soni di woo lei”, söseei taki u dee në u wantu u dee woto.

4. 5. Te i kaba wan pisi u di buku, nöö taki u dee hakisi a kaba u di pisi dë, sö taa di sëmbë sa toona mëni dee soni dee a lei.

5.  6. Te i ta lei di dëmbë soni u Bëibel, nöö:

   1. Lesi dee soni dee sikifi.

   2. Lesi dee Bëibel tëkisi ka a sikifi „Lesi”.

   3. Lesi dee woto tëkisi tu ee a dë fanöudu.

   4. Pëë hii dee fëlön ka a sikifi „Pëë di fëlön” (ee a dë u feni).

   5. Buta hii dee hakisi da di sëmbë.

   6. Hakisi di sëmbë di i ta lei soni u Bëibel faa buta pakisei a di pisi „Woto soni di i sa lei”, nöö hakisi ën faa konda unfa a ta pakisei.

   7. Wooko ku di pisi „Pooba di soni aki” u heepi di sëmbë faa luku ee a go a fesi a di biibi. I sa dëën taanga faa dou di maaka di sikifi dë, faa buta woto maaka, nasö faa du hii dee soni dë.

   8. Hakisi di sëmbë ee wan u dee fëlön dee dë a di pisi „Woto soni di i sa luku” bi hai hën pakisei di a bi ta seeka hënseei.

   9. Pooba u kaba wan woto wan pasi.

Te i kaba lei di sëmbë soni u Bëibel

1. 7. Pakisei soni u di sëmbë go dou. Begi Jehovah faa heepi di sëmbë u go dou, söseei faa da i di köni fii heepi di sëmbë.