Antes estuda

1. 1. Prepara didiʼak. Hanoin kona-ba estudante nia presiza, ninia situasaun moris, no ninia fiar. Hanoin nanis kona-ba pontu neʼebé susar ba nia atu komprende ka aplika. Haree oinsá mak informasaun iha “Buka-hatene liután” bele ajuda estudante, no prepara atu uza ida-neʼe durante estuda se presiza.

Durante estuda

1. 2. Loke no taka ho orasaun se Ita-nia estudante konkorda.

2. 3. Kuidadu atu la koʼalia barak. Tau fokus ba informasaun neʼebé imi estuda daudaun, no fó oportunidade ba estudante atu fó sai ninia hanoin.

3. 4. Bainhira hahú parte foun, lee “Objetivu” no temi lalais títulu balu husi lisaun sira.

4. 5. Bainhira remata estuda iha parte ida, uza parte neʼe nia rezumu atu ajuda estudante hanoin-hetan lia-loos neʼebé nia aprende.

5. 6. Kuandu estuda lisaun ida-idak:

   1. Lee parágrafu.

   2. Lee eskritura hotu neʼebé iha liafuan “Lee”.

   3. Lee eskritura seluk iha parágrafu se presiza.

   4. Loke vídeo hotu neʼebé iha liafuan “Loke” (se bele).

   5. Husu pergunta ida-idak ba estudante.

   6. Dada estudante nia atensaun ba dezeñu iha parte “Keʼe kleʼan”, no husu estudante atu fó sai ninia hanoin.

   7. Uza parte “Planu” atu ajuda estudante hatene oinsá nia laʼo ba oin. Anima nia atu kumpre planu neʼebé hakerek ona, ka halo planu seluk, ka kumpre planu rua neʼe.

   8. Husu estudante kona-ba informasaun ka vídeo neʼebé nia gosta iha parte “Buka-hatene liután” bainhira nia prepara ba lisaun neʼe.

   9. Kuandu estuda, koko atu halo hotu lisaun ida tomak.

Depois estuda

1. 7. Kontinua hanoin kona-ba Ita-nia estudante. Halo orasaun ba Jeová atu haraik bensaun ba ninia hakaʼas an no mós atu fó matenek ba Ita hodi bele hatene oinsá atu ajuda nia.