Cii ve ne hii kwaghhenen yô

1. 1. Wa iyol tsembelee. Shighe u ú lu wan iyol la, hen sha mlu u orhenen Bibilo la man akaa a nan ne jighjigh a mi la kua mbamgbe mba nan. Hen sha atôakyaa a u nenge wer alaghga aa taver nan u kaven shin dondon la. Gbidye kwar sha akaa a a lu ken vegher u “Seer Henen Kwagh” la a aa wase nan yô, shi a gba sha mi yô er tom a a shighe u ne lu henen kwagh yô.

Shighe u ne lu henen kwagh yô

1. 2. Aluer orhenen Bibilo nan lumun yô, hii shi kure sha msen.

2. 3. De lamen kpishi ga. Ver ishima sha kwagh u i nger shin takeda la, nahan de orhenen Bibilo la nana hemba lamen.

3. 4. Cii ve ne hii hanma vegher u takeda ne yô, vande ôron ngeren u hiin vegher shon u i nger ér ver ishima la shi ter atineakaa agen a ken mtom ma ken vegher shon.

4. 5. Shighe u ne bee hanma vegher yô, er tom a mbampin mba saven vegher shon sha er u wase orhenen Bibilo la u umbur akaa a ne hen ken vegher shon la yô.

5.  6. Shighe u ne lu henen hanma ityough yô:

   1. Ôr nen akumaihiange a ken “Vegher u Hiihii” la.

   2. Ôr avur a Bibilo a i nger ér “Ôr” la cii.

   3. Aluer gba hange hange yô, ôr avur a Bibilo agen kpaa.

   4. Tese uvidio mba i nger ér “Nenge” la cii (aluer a gba sha mi yô).

   5. Pine orhenen Bibilo la hanma mpin.

   6. Tese nan foto (shin ufoto) mba ken vegher u “Hen Kwagh i Za Shimi” la, maa pine nan nana pase ve.

   7. Er tom a ngeren u “Kwagh u u er yô” la sha u wasen orhenen Bibilo la u fan er nan lu vesen ken jijingi yô. Ôr nan nana er kwagh u i tese ér nana la, gayô nana tsua kwagh ugen u nana er yô shin nana er ve cii.

   8. Pine orhenen Bibilo la aluer nana ôr ma ngeren shin nana nenge vidio i i doo nan ken vegher u “Seer Henen Kwagh” la shighe u nan lu wan iyol la yô.

   9. Nôngo bee ityough i môm hanma kwa u ne tema yô.

Shighe u ne bee kwaghhenen yô

1. 7. Henen sha kwagh u orhenen Bibilo la. Sôn Yehova a wase orhenen Bibilo la shi a na u kwaghfan sha er u fa gbenda u u wase nan yô.