Ntondo ka nyu mbeka

1. 1. Yalɔngɔsɔla dimɛna. Etena kalɔngɔsɔlayɛ, kanyiya di’ehomba wele l’ombeki, awui wele lande ndo waetawɔ ande. Kanyiya la ntondo awui wakokande monga l’okakatanu dia mboka kana nkamba lawɔ. Enda woho wakoka awui wa l’etenyi “Sala eyangelo” nkimanyiya ombeki ayɛ ndo onga suke dia nkamba lawɔ naka ekɔ ohomba wonya wa wekelo.

Wonya wekanyu

1. 2. Nyotatɛke ndo nyokomiyake la dɔmbɛlɔ naka ombeki mbetawɔka.

2. 3. Tɔtɛkɛtake efula. Tɔtɔmiya awui wekanyu ndo tshika ombeki atɛkɛtake efula.

3. 4. Etena katatɛnyu mbeka etenyi kekina, adia oyango w’etenyi kakɔ ndo tɛkɛta di’ɛtɛ ɛmɔtshi wa wekelo wa l’etenyi kakɔ.

4. 5. Etena kashidiyanyu etenyi kɛmɔtshi, nyosale ovuswelo w’etenyi kakɔ dia nkimanyiya ombeki dia mbohɔ akambo wa mɛtɛ wekinde.

5. 6. Etena kekanyu wekelo tshɛ:

   1. Nyadia edingɔ.

   2. Nyadia avɛsa tshɛ wotshiwɔ ɔnɛ: “Adia.”

   3.   Nyadia avɛsa akina woshilami naka ekɔ ohomba.

   4. Nyende tovidɛo tshɛ totshiwɔ ɔnɛ: “Nyende” (naka wɛ ekɔ la tɔ).

   5. Oka ombeki dimbola tshɛ.

   6. Kutola yambalo y’ombeki l’osato wele l’etenyi: “Nyomotshimola,” ndo lɔmbande dia nembetshiya osato akɔ.

   7. Kamba l’etenyi “Oyango” dia nkimanyiya ombeki dia menda woho watandahame lo nyuma. Wɛ koka mbokeketsha dia ndjadjɛ oyango wa wɔdu, oyango okina kana wakɔ ehende.

   8. Mbola ombeki dia kana nde akangɛnangɛna lo yoho ya laande asawo kana tovidɛo ta l’etenyi “Sala eyangelo” etena kakandalɔngɔsɔlaka wekelo.

   9. Yanga dia shidiyaka wekelo w’otondo mbala tshɛ kekanyu.

L’ɔkɔngɔ wa nyu mbeka

1. 7. Tetemala nkanyiya lo dikambo di’ombeki ayɛ. Lɔmba Jehowa dia ntshɔkɔla welo wadja ombeki dia mpama ndo kosha lomba la mbeya woho wa mbokimanyiya.