Nu nga si pheyi gihevbulo

1. 1. Dzi dongiseye gwadi. Tepo u dzi dongiseyago, dundrugeya khu giemo ni mawonelo ya gihevbuli gyago. Zama gu dundrugeya khu dzi pontu dzi nga garadzeyago gihevbuli gyago gu dzi pwisisa ni gu dzi thumisa womini wagyo. Dundrugeya khedzi gihevbuli gyago gi nga wuyedwago khidzo khu gipandre “Hevbula simbe.” Dzi dongiseye gu gi thumisa avba nya gihevbulo gya gu vbwetega, guya khu giemo nya muthu ni muthu.

Tepo gi gimbiyago gihevbulo

1. 2. Gihevbuli gyago gya gu dzumeya, pheya ni gu sega gihevbulo khu nombelo.

2. 3. Dzi woneye gu mba ganeya ngudzu. Vega gupima avba nya mahungo mu ganeyago khayo avba nya gihevbulo, u gira gihevbuli gyago gi dzipwa na gi tshulegide gu ganeya ni gevbini.

3. 4. Wa gu pheya gipandre nya giphya nya libhuku, leri avba va nga pwani ‘esi hi na si wonago’ u bwe u ganeya khu mihungo nya mahungo nya simbe sihevbulo.

4. 5. Wa gu vbedza gimwegyo nya sipandre soso, thumisa avba va nga pwani rezumo gasi gu phasa gihevbuli gyago gu dundruga lisine gi hevbudego.

5. 6. Tepo u hevbulago ni gihevbuli gyago, u yede gu gira esi:

   1. Leri dzindrima.

   2. Leri yatshavbo milowo va nga pwani “Leri.”

   3. Wa gu dzina u nga leri gambe milowo yile va nga mba ganeya pwani leri.

   4. Yeyedza vidhyu va nga pwani “Sistirini” (dza ba dzi romo).

   5. Gira satshavbo siwudziso si gomogo avba nya libhuku ga gihevbuli gyago.

   6. Yeyedza fotu gihevbuli gyago yi gomogo avba va nga pwani “Gira wugevisisi nyo ete,” u bwe u gi lomba gu tshamuseya esi gi si wonago avba nya fotu.

   7. Thumisa kwadru “Zama gu gira esi” gasi gu phasa gihevbuli gyago gu dzi vegeya misuwo ni gu wona gudandra gwagyo khu liphuvboni. Gi kutse gu thumisa misuwo gi hathidego gasi gu dzi vegeya yimbe misuwo.

   8. Wudzisa gihevbuli gyago gu khuwe ginani gi nga mu tsakisa tepo a nga ba a donga gihevbulo mwendro dzividhyu dza avba va nga pwani Hevbula simbe.

   9. Zama gu vbedza gihevbulo gyatshavbo tepo mu hevbulago.

Hwane nyo sege gihevbulo

1. 7. Simama gu dundrugeya khu gihevbuli gyago. Gombeya ga Jehovha u mu lomba gasi a kategisa gudzigaradza gu girwago khu gihevbuli gyago ni gu a gu ninga guti gasi u kodza gu gi phasa khu ndziya nya yadi.