Kamutanaunka kuciiyo

1. 1. Amulibambile cakulomya. Nomulibambila, amuyeeye nzyayandika sikwiiya wanu, bukkale bwakwe alimwi anzyasyoma. Amuyeeyele limwi twaambo itukonzya kumukatazya kumvwisya naa kutobela sikwiiya. Amulange-lange makani aali mucibeela ca “Amuzyibe Zinji” kutegwa mubone mbwaakonzya kumugwasya sikwiiya wanu alimwi amulibambile kwaabelesya lyaciiyo ikuti kaceelela.

Lyaciiyo

1. 2. Amutalike akumanizya amupailo ccita kuti sikwiiya wanu wakaka.

2. 3. Mutanikwaambi zinji. Amubikkile buyo maano kumakani aayiigwa akumulekela sikwiiya kwaamba mbwalimvwa.

3. 4. Nomutalika cibeela cipya cabbuku, amwaabale makani aapandulula cibeela eeco alimwi akwaamba mitwe yaziiyo zimwi.

4.  5. Kumamanino acibeela cimwi acimwi, amubelesye cibeela cakwiinduluka kutegwa mumugwasye sikwiiya wanu kutuyeeya twaambo ntwaaiya.

5. 6. Nomwiiya ciiyo cimwi acimwi asikwiiya wanu:

   1. Amwiibale mincali.

   2. Amwaabale magwalo oonse aalembedwe kuti “Amubale.”

   3. Amwaabale magwalo amwi aatazubuludwe ikuti kwayandika.

   4. Amwaayebelele mavidiyo oonse aalembedwe kuti “Amweebelele” (ikuti kaaliko).

   5. Amumubuzye sikwiiya mibuzyo yoonse iili muciiyo.

   6. Amumwaambile sikwiiya wanu kulanga zifwanikiso zili mucibeela cakuti “Amwiiye Zinji” alimwi akumulomba kuti apandulule.

   7. Amubelesye kabbokesi ka “Mbaakani” kugwasya sikwiiya wanu kubona mpayendela kumuuya. Mulakonzya kumukulwaizya kwiizuzikizya mbaakani njabikkilidwe akumugwasya kulibikkila mbaakani zimwi nzyakonzya kutobela naa ulakonzya kuzizuzikizya zyoonse.

   8. Amumubuzye sikwiiya kuti naa kuli makani aakamukkomanisya kapati aali mucibeela cakuti “Amuzyibe Zinji” ciindi naakali kulibambila ciiyo.

   9. Nomwiiya amusole kucimanizya ciiyo coonse.

Mwamana kwiiya

1. 7. Amuzumanane kumuyeeya sikwiiya wanu. Amupaile kuli Jehova kutegwa alongezye kuyaambele kwasikwiiya wanu alimwi akuti andinywe amupe busongo bwakuzyiba mbomukonzya kumugwasya sikwiiya.