Pambere mundalute ku sambiro

1. 1. Nozgekerani makora. Apo mukunozgekera, ghanaghanirani ivyo msambiri winu wangatemwa kumanya, umo vinthu viliri kwa iyo, kweniso vigomezgo vyake. Ghanaghanirani fundo izo zingamusuzga kupulikiska panji kuzilondezga. Wonani umo fundo za mu chigaŵa chakuti “Sangani Fundo Zakusazgikira” zingawovwilira msambiri winu ndipo para ntchakukhumbikwa, zigwiliskirani ntchito ­panyengo ya sambiro.

Panyengo ya sambiro

1. 2. Yambani na kumalizga na lurombo para msambiri winu wakuzomera.

2. 3. Lekani kuyowoya vinandi. Dumbiskanani vyekha vyakukhwaskana na sambiro ilo, ndipo mupani m’pata msambiri kuti wayowoyengepo maghanoghano ghake.

3. 4. Para mukwamba chigaŵa chiphya, ŵazgani fundo zakulongosora chigaŵa icho na kulongosora mitu yinyake iyo yili mu chigaŵa icho.

4. 5. Para mwamara chigaŵa, weleranimo mafumbo gha mu chigaŵa icho kuti movwire msambiri winu kukumbukira ivyo wasambira.

5.  6. Apo mukusambira sambiro lililose na msambiri winu:

   1. Ŵazgani ndime.

   2. Ŵazgani malemba ghose agho ghalembeka kuti “Ŵazgani.”

   3. Ŵazgani malemba ghanyake usange ntchakukhumbikwa.

   4. Wonelerani mavidiyo ghose agho ghalembeka kuti “Wonelerani” (usange muli nagho).

   5. Fumbani msambiri fumbo lililose.

   6. Pemphani msambiri kuti wawone vithuzi ivyo vili pa chigaŵa cha “Manyani Vinandi,” na kumupempha kuti wayowoyepo.

   7. Gwiliskirani ntchito bokosi la “Vyakuti Muchite” kuti movwire msambiri winu kumanya usange wakukura mwauzimu. Mungamuchiska kuti walondezge vilato ivyo vyalembeka kale, kujiŵikira vilato vinyake, panji kuchita vyose viŵiri.

   8. Fumbani msambiri winu kuti wayowoye usange pali nkhani iyo wakakondwa nayo panji mavidiyo mu chigaŵa cha “Sangani Fundo Zakusazgikira” apo wakanozgekeranga sambiro.

   9. Yezeskani kumalizga sambiro lililose panyengo yimoza.

Para mwamara kusambira

1. 7. Lutilirani kughanaghanira msambiri winu. Lombani Yehova kuti wamovwire msambiri winu kukura mwauzimu na kumupani vinjeru kuti mumovwire makora.