Mai mua o te akoga

1. 1. Fakatoka faka‵lei. I te taimi e fakatoka ei koe, mafaufau ki manakoga, te fakanofonofoga, mo kilokiloga a tau tino akoga. Taumafai ke iloa ne koe me ne a manatu kolā kati e faigata ki tau tino akoga ke maina i ei io me ke fakagalue ne ia. Onoono foki ki mataupu i te vaega “Nisi Fakamatalaga” kolā e mafai o fesoasoani ki tau tino akoga, kae ke fakatoka ke fakaaoga mafai e manakogina i te taimi e fai ei te akoga.

I te taimi e fai ei te akoga

1. 2. Ke kamata kae fakaoti te akoga ki se ‵talo, mafai e ‵lei ki tau tino akoga.

2. 3. Fakaeteete ke mo a ma tō uke au pati e fai. Saga tonu ki te mataupu, kae tuku te avanoaga ki tau tino akoga ke fakaasi mai ana manatu.

3. 4. Kafai ko kamata se vaega o te tusi, faitau te fakamatalaga i te manatu tāua kae fakaasi atu a nai mataupu ka fai i te vaega tena.

4. 5. Kafai ko oti te vaega katoa, fakaaoga fesili mō te vaega tena ke fesoasoani ki tau tino akoga ke masaua ne ia a munatonu kolā ne tauloto ne ia.

5. 6. I te taimi e suke‵suke koe mo tau tino akoga ki mataupu takitasi:

   1. a. Faitau a pati i ei.

   2. e. Faitau a tusi fai‵tau katoa kolā e fai ke “Faitau.”

   3. i. Faitau a nisi tusi faitau kolā e ‵sae mai mafai e manakogina.

   4. o. Ke pei a vitio katoa kolā e fai ke “Pei” (mafai e isi i a koe).

   5. u. Fesili ki te tino akoga a fesili takitasi.

   6. f.  Fakasino ki ei ke onoono ki ata lomi i te vaega “Keli Malosi Ifo”, kae fesili atu me ne a ana manatu ki ei.

   7. g. Fakaaoga te pokisi “Mea e Mafai o Fai” ke fesoasoani ki tau tino akoga ke iloa ne ia tena gasolo ki mua. E mafai o fakamalosi koe ki ei ke fakaaoga te fakamoemoega tena e fakaasi mai i ei, io me fai ne ana nisi fakamoemoega, io me fai katoa a mea e lua.

   8. h. Fesili ki tau tino akoga mafai e isi se mataupu io me se vitio i te vaega “Nisi Fakamatalaga” e gali ki a ia i te taimi ne fakatoka ei a ia ki te mataupu.

   9. k.  Taumafai ke fakaoti te mataupu e tasi i te taimi e fai ei te akoga.

Mai tua o te akoga

1. 7. Ke mafaufau faeloa ki tau tino akoga. Talo ki a Ieova ke fakamanuia atu ki taumafaiga e fai ne tau tino akoga, kae ke tuku atu foki te atamai ke iloa ne koe te auala ke fesoasoani atu ki a ia.