TUHAA HAU C
E nafea maoti te buka Ia ora oe e a muri noa ˈtu! ia faatere i te haapiiraa Bibilia?
Ua pure rahi te mau taeae e ua feruri maite ratou no te mau haamaramaramaraa i tuuhia i roto i te buka Ia ora oe e a muri noa ˈtu! Ia faufaahia tatou i teie buka, a faaohipa i te ravea i muri nei no te faatere i te hoê haapiiraa Bibilia.
Hou te haapiiraa
-
1. A faaineine maitai. A na reira ˈi, a feruri i te mau hinaaro, i te mau tupuraa e te manaˈo o ta oe piahi. A feruri i nia i te mau tuhaa mea fifi no ˈna ia taa aore ra ia faaohipa. A hiˈo e nafea te tuhaa “Hiˈopoa” e tauturu ai i te piahi, a faaohipa mai te peu e titauhia i roto i te haapiiraa.
I te roaraa o te haapiiraa
-
2. A haamata e a faaoti na roto i te pure, mai te peu e farii ta oe piahi.
-
3. Eiaha e paraparau rahi roa. A haafaufaa i tei tuuhia i roto i te buka e a vaiiho i te piahi ia faaite i to ˈna manaˈo.
-
4. Ia haamata oe i te hoê tuhaa o te buka, a taio i te omuaraa parau e a faahiti i te tahi o te mau upoo parau o te haapiiraa.
-
5. Ia oti hoê tuhaa o te buka, a faaohipa i te haamanaˈoraa no te tauturu i ta oe piahi ia haamanaˈo i te mau parau mau ta ˈna i haapii.
-
6. No te mau haapiiraa atoa e ta oe piahi:
-
A taio i te paratarafa.
-
A taio i te mau irava atoa tei tuuhia “A taio i te.”
-
A taio i te tahi mau irava mai te peu e titauhia.
-
A mataitai i te mau video atoa tei tuuhia “A pata” (mai te peu te vai ra).
-
A ui i te mau uiraa tataitahi i te piahi.
-
A ani i ta oe piahi ia hiˈo i te mau hohoˈa i te tuhaa “A faahohonu atu â” e a ani ia ˈna ia tatara i te reira.
-
A faaohipa i te tuhaa “Fa” ia ite ta oe piahi i ta ˈna mau tutavaraa. E faaitoito oe ia ˈna ia faaohipa i te hoê fa ohie no ˈna e ia haamau i te tahi atu mau fa aore ra na fa e piti.
-
A ani i ta oe piahi mai te peu te vai ra anei te mau tumu parau aore ra video ta ˈna i au i roto i te tuhaa “Hiˈopoa” a faaineine ai o ˈna i ta ˈna haapiiraa.
-
A tamata i te faaoti roa i te hoê haapiiraa.
-
I muri aˈe i te haapiiraa
-
7. A haamanaˈo noa i ta oe piahi. A ani ia Iehova ia haamaitai te mau tutavaraa o ta oe piahi e a ani i te paari no te tauturu ia ˈna.