Te kʼalal mato awakʼoj-a te nojptesel

1. 1. Chajpana aba ta lek. Nopa awaʼiy bin yilel skuxlejal sok bintik schʼuunoj te estudiante. ¿Aybal bin wokol ya xkʼot ta yoʼtan o wokol ya yaʼiy spasel ta skuxlejal? Kʼopona o ila te bin ya xchiknaj ta parte «Ya xjuʼ ya anopxan ini» sok nopa bin-utʼil ya xjuʼ ya xkoltayot. Jichme ya anaʼ bin-utʼil ya akoltay te kʼalal ya awakʼbey te nojptesel.

Te kʼalal ya awakʼ te nojptesel

1. 2. Teme lek ya yil te estudiante, pasaik oración ta sjajchibal sok ta slajibal.

2. 3. Mame bayaluk ya xkʼopojat. Jaʼ xa awalbey skʼoplal te bin tsʼibaybil ta lección sok akʼa kʼopojuk te estudiante.

3. 4. Te kʼalal ya ajachik jun sección o jun parte, kʼopona te bin ay ta sjajchibal sok albeya skʼoplal cheʼoxeb tituloetik.

4. 5. Te kʼalal ya xlaj awuʼunik jun sección o jun parte, nopaik te jojkʼoyeletik te ay ta slajibal swenta ya xjul ta yoʼtan te bin la snope.

5. 6. Te kʼalal ya anopik te jujun lección:

   1. Kʼoponaik te parrafoetik te ay ta sjajchibal.

   2. Kʼoponaik te textoetik te ya yal «Kʼoponaik».

   3. Kʼoponaik te yantik textoetik teme jich ya skʼan ya awile.

   4. Ilaik spisil te videoetik te ya yal «Ilawilik» (teme ya xjuʼe).

   5. Tuuntesa spisil te jojkʼoyeletik.

   6. Albeyaik skʼoplal te dibujoetik te ya xchiknaj ta «Jnoptikxan ta lek».

   7. Tuuntesa te recuadro «Pasa awil ini» yuʼun ya sta ta ilel te estudiante teme yak ta chʼiel te schʼuunel yoʼtan. Tijbeya yoʼtan yuʼun ya spas te bin ay ta recuadro o te ayuk yan bin ya spas.

   8. Jojkʼoybeya teme la smulan jun artículo o jun video te la yil ta «Ya xjuʼ ya anopxan ini» te kʼalal la schajpan sba sok te slibroe.

   9. Pasa tulan yuʼun ya anopik sjunal te lección ta jujun nojptesel.

Te kʼalal la awakʼix-a te nojptesel

1. 7. Ayuk ta awoʼtan te estudiante awuʼun. Kʼanbeya te Jehová te yakuk skoltay yuʼun ya xchʼi te schʼuunel yoʼtan sok te yakuk yakʼbat apʼijil yuʼun ya anaʼ bitʼil ya akoltay.