Osimbu kua fetikile elilongiso

1. 1. Lipongiya lutate. Osimbu o ci linga, sokolola kasukila kuenda kovina ondonge yove yi tava. Seteka oku sokolola katosi osi ana eye a pondola oku sima okuti, ka a lelukile oku a kapako. Sokolola ndomo ovipama vionepa “Oco o Kũlĩhe Ovina Vikuavo” vi pondola oku kuatisa ondonge yove kuenda citava okuti o talavaya lavio ndeci ci sukiliwa vokuenda kuelilongiso.

Vokuenda kuelilongiso

1. 2. Fetika kuenda malusula lohutililo, nda ondonge yove yi tava.

2. 3. Kuata utate oco ku ka vangule calua. Tiamisila utima kulandu wocipama ca sokiyiwa kuenda ecelela okuti, eye o situlula ovisimĩlo viaye.

3. 4. Poku fetika onepa lonepa yokaliye yelivulu, vulala wokuti Ceci tu Lilongisa, tanga olondaka viaco kuenda olosapi vimue viovipama.

4. 5. Poku malusula onepa yimue, kuende kemẽla lioku pitulula onepa, oco yi kuatise ondonge yove oku ivaluka ocili a lilongisa.

5.  6. Poku lilongisa ocipama locipama londonge yove:

   1. Tanga ocinimbu.

   2. Tanga Ovisonehua viosi lonumbi yokuti “Tanga.”

   3. Tanga Ovisonehua vikuavo via tukuiwamo nda ci sukiliwa.

   4. Lekisa olovideo viosi lonumbi yokuti “Tala” (nda ya sandekiwa).

   5. Linga apulilo osi kondonge.

   6. Tiamisila utima wondonge koviluvialuvia vi sangiwa ponepa “Lilongisa Ondongosi,” kuenje pinga kondonge oco a vi lombolole.

   7. Talavaya lokakasia “Ocimãho,” oco ka kuatise ondonge yove oku kula kespiritu. Citava okuti o yi vetiya, oku litumbikila ocimãho cimue, vivali, ale vikuavo.

   8. Pula kondonge yove nda ya sola ocipama cimue conumbi yetu, ale olovideo ponepa “Oco o Kũlĩhe Ovina Vikuavo,” eci ya kala oku pongiya elilongiso liaye.

   9. Seteka oku mala ocipama locipama, vonepa yimosi.

Noke lielilongiso

1. 7. Amamako oku sokolola kondonge yove. Likutilila ku Yehova oco a sumũlũise oku kula kuondonge yove konepa yespiritu kuenda a ku ĩhe olondunge oco o tẽle oku u kuatisa.