Wo ki ru uyono na

1. 1. Nabọ muegbe. Wo vwo ruẹ ọyena, gbe roro kpahen ọdavwẹ rẹ ohwo rẹ wo yono na vẹ ẹdia rọ hepha, kugbe ẹro ro vwo nẹ emu. Davwẹngba wo vwo roro kpahen ẹkpo rọ cha fobọ vwo ẹruọ rọye-en yẹrẹ e re cha bẹn kẹ rọ vwọ reyọ vwo ruiruo. Roro kpahen oborẹ erọnvwọn rehẹ ẹbẹre ri “Hiẹ Guọnọ” na sa vwọ chọn ohwo rẹ wo yono na uko, wo mi ji muegbe wọ vwọ reyọ vwo ruiruo te asan wọ guọnọre vwẹ uyono na.

Wo de ruẹ uyono na

1. 2. Vwẹ ẹrhovwo tuọnphiyọ ji kuophiyọ, jokpanẹ kẹ ohwo rẹ wo yono na senre.

2. 3. Nomaso wo vwo jẹ eta ibuebun ẹta. Tẹnrovi ẹkpo ra vwọphia vwẹ uyono na, wọ je vwẹ uphẹn kẹ ohwo rẹ wo yono na rọ vwọ ta ẹwẹn rọyen.

3. 4. Wọ da cha ton ẹbẹre kpokpọ phiyọ, ke se ọdavwẹ rẹ ẹbẹre yena, wo mi ji djunute evo usun rẹ iyono rehẹ evun rọyen.

4. 5. Vwẹ okuphiyọ rẹ ẹbẹre ọvuọvo, reyọ ẹrhomafuẹrẹn rẹ ẹbẹre yena vwọ chọn ohwo rẹ wo yono na uko vwọ karophiyọ uyota ro yonori.

5. 6. Wẹ vẹ ohwo na vwo yono uyono ọvuọvo na:

   1. Se ẹkoreta na.

   2. Se ẹkpo ri Baibol eje re si “Se” phiyọ.

   3. Se ẹkpo ri Baibol efa ra rionbọ ra siẹrẹ o de fo.

   4. Hworo ividio eje re si “Hworo” phiyọ (siẹrẹ e da herọ).

   5. Nọ ohwo rẹ wo yono na onọ ọvuọvo.

   6. Reyọ ẹwẹn rọyen vwo kpo uhoho rehẹ ẹbẹre ri “Hiẹ Kodo” na, wọ vuẹ nẹ ọ ta ota kpahen ayen.

   7. Reyọ ekpeti rẹ “Obo Wo Se Ru” na vwọ chọn ohwo rẹ wo yono na uko vwọ jokaphiyọ ẹyan obarọ rọyen. Wo se jiro kẹ nẹ o ni ọ rọhẹ ekpeti na vwo bru ẹkẹn efa kẹ oma, yẹrẹ ru ivẹ na kugbe.

   8. Nọ ohwo rẹ wo yono na sẹ o vwo ividio yẹrẹ uyovwinrota ọvo rọ riavwerhen rọyen mamọ vwẹ ẹbẹre ri “Hiẹ Guọnọ” na ọke ro vwo muegbe rẹ uyono na.

   9. Davwen ovwan yono uyono ọvuọvo re, vwẹ echidiotọ.

Wo de ru uyono na nu

1. 7. Wo mi rhe roro kpahan ohwo rẹ wo yono na. Nẹrhovwo rhe Jihova nẹ o bruphiyọ ẹyan obaro rẹ ohwo rẹ wo yono na, ọ je kẹ wẹ aghwanre wọ vwọ riẹn oborẹ wọ sa vwọ chọn uko.