Xannaˈissanaappe kase

1. 1. Loytta giigetta. Yaatiyo wode, ne xinaatiyawu koshshiyabaa, A hanotaanne I ammaniyobaa qoppa. I akeekanawu woy oosuwan peeshshanawu metootana danddayiyobata qoppa. “Pilgga” giyagee ne xinaatiya waati maaddana danddayiyakko qoppa, qassi koshshiyaba gidikko xannaˈissiyo wode hegeeta goˈettanawu giigetta.

Xannaˈissiyo wode

1. 2. Ne xinaatee maayettikko, xinaatiya doomettaaninne wurssettan woossa.

2. 3. Darobaa haasayennaadan naagetta. Xannaˈissiyo xuufiyan deˈiyabaa goˈetta, qassi xinaatee ba qofaa qonccissanaadan ootta.

3. 4. He maxaafan deˈiya issi shaahuwa doommiyo wode, he shaahuwan deˈiya waanna qofaa nabbaba, qassi timirttetun deˈiya huuphe yohotuppe amaridaageeta qonccissa.

4. 5. Issi shaahuwa wurssiyo wode, ne xinaatee tamaaridobaa hassayanaadan maaddanawu, he shaahuwawu giigida zaaretuwa goˈetta.

5.  6. Timirtteta xannaˈissiyo wode ubban:

   1. Menttuwa nabbabite.

   2. “Nabbaba” giya xiqiseta ubbaa nabbabite.

   3. Koshshikko, he timirttiyan deˈiya hara xiqisetakka nabbabite.

   4. “Beˈite” geetettida biido ubbaa (neeni demmana danddayikko) beˈite.

   5. Ubba oyshatakka ne xinaatiya oychcha.

   6. Ne xinaatee, “Loytta Akeeka” giyagan deˈiya misiliya beˈanaadan yoota, qassi I ba qofaa yootanaadan oychcha.

   7. Ne xinaatee laamettanaadan maaddanawu, “Halchchanabaa” giya saaxiniya goˈetta. I he sohuwan odettidaagaa malabaa, hara dummatiyabaa woy ha naaˈˈubatakka halchchanaadan minttettana danddayaasa.

   8. He timirttiyan, “Pilgga” giyagaa giddon deˈiya huuphe yohotuppe woy biidotuppe ne xinaatee giigettiiddi demmido A keehi ufayssidabaa yootanaadan oychcha.

   9. Xannaˈiyo wode ubban issi timirttiya wurssanawu baaxeta.

Xinaatiyappe simmin

1. 7. Ne xinaatiyabaa qoppiyogaa aggoppa. Ne xinaatee ayyaanaaban minnanawu oottiyobaa anjjanaadan, qassi neeni A waata maaddanaakko eranawu neeyyo aadhdhida eratettaa immanaadan Yihoowa woossa.